ردت اكتب فرح يوم من الايام وجبت حنه عرس وشمووع خليت اجرجر بالقصيده معانده وياي كلش تعبتني ومنهة مليت بديت بمستوه لما مقتنع بي وست ابيات بيت ايقشمر بيت ومكيف رحت اقراهة للناس قبل ما اقره كلمه بعيني صديت اباوع ع لملامح ميته لوجوه ويا عاقل يطش علموته جكليت المنصه امرايه تعكس حال جمهور ما انافق واصب النار ع الزيت شفت جمهوري وجهة مخيم اشموع صرت دمعه وعله خدودي تبديت انا شاعر حزن مختص بالهموم ومن هاي الهموم محصل الصيط اعجبك من اريد اتناول الموت اخلي المفرده تنكط توابيت واخلي البيت نفسه ايهزه معناه يشك زيجه اعلى روحه وياطم البيت ويهتفلي الدمع من احجي ع الضيم وتصفكلي الجكاير والبواكيت وتبت بعد ما اصيرن روميو النوب لان بارخص ثمن باعده جوليت لان بارخص ثمن باعده جوليت.