هنا

[واحد]

غيــــــــــرة ....... عبد الكريم القصاب 16/ 12/ 2012

يا ألذ وآبيض سمار
،آنا من كل شي أغار
،من براءة خيط ثوبج
،من أصابيعج على آزلوفج أغار
،من التراجي والمحابس والسوار ،
من اِطار آمرايتج ، شبكَه آعلى وجهج .....
.آنا آغار ،من بسِمْتج ،
راويه آبدم آالشفايف ،
من صفنتج على روحج ،
من دمعتج على الوجنه آتطيح بوسه ....
ومنها آغار
،من الرصيف الياخذج للبيت آغار ،
من النسيم الخادر آبلذّة آنفاسج ،
من صديقه اتكَول : الله آشحلاتج !
من تمر يمّج فراشه آيموع كَلبي ....
.ومنها آغار ،ومنها آخاف ،
لا يجي آمن آجناحها لعينج غبار
.من يحط عصفور عالتيل آلمكّابل بيتكم ......
أزعل وآغار .بيّه خيط أخبال منّج ،
حتى من طيفي آليجي لعينج أغار ،
حتى من آحروح كَلبج ،لأن يمّج ،
آنا آغار .آنا من كل شي أغار .
/////////////////////////////////////
/التيل : عمود الكهرباء

[IMG][/IMG]

[شذى الربيع]

انتقاء رائع شكرا لك
تقييمي

[علي الشمري]

الله الله
رووووووووووووعه

من يحط عصفور ع التيل آلمكّابل بيتكم ......
أزعل وآغار

[واحد]

شكراً لكم ولأذواقكم يا ملائكة

[كريمے بنزيمے]

روعة تسلم ايدك

تحياتي لك

[واحد]

شكرا الك يا غالي