هنا

[إدريس]

السلام عليكم ورحمة الله وبركاته
اني صف
خامس علمي اريد طرق مساعده للدراسه مثلا يعني
نصائح تخص الدراسه
المواد الي لازم اركز عليها
وطريقة الدراسه اذا كانت حفظ فقط
ام حفظ بلورقه والقلم
رجاء لا تبخلوا عليه بشيء لان
لازم انعفي هلسنه
اني (نشيط .يعني اصحى الفجر )
نومي منتظم انام من وكت ودراستي تكون مستمره بكل الاوقات مع اخذ وقت راحه قصير
ولكن لدي مخاوف علمود الاعفاء فأرجوا المساعده
بوضع النصائح
كلنظام الغذائي الافضل
او الجدول الدراسي
او كيفية الحفظ وكيف تبقى الماده في ذهني
............. الخ



بأنتظار ردودكم وشكرا مقدما


مع ودي وتقديري

[الريم]

انت مبين شاطر ^_^
الخامس علمي يحتاج فهم قبل الحفظ ،لمن جنت بالخامس ادرس بطريقة الورقة والقلم
لانو متخليك تنسه القريته ،، بالتوفيق اخي انت مبين تعبان ع روحك وترا الخامس علمي اسهل من الرابع

[specialtoma]

والله ياخي اهم شي الورقه والقلم وانت حتنعفي مثلي :\

[محمد ألعبادي]

السلام عليكم
اني ما واصل للاعفاء شلع ما راح افيدك هواي
واذا تبقه علدرر لهيج وكت انسه العفاء
ومن جهت المواد ركز انكلش فيزياء رياضيات

تحياتي الك

[الطالبة]

اهم شي الورقة والقلم ومستحيل تنسة هاي نصيحتي الك

[Heaven]

اقره الصبح هواي تفهم وتحفظ وهم متنساه
واكيد كل شي اقراه بوكته يعني مو تكدس عليك المواد وشد حيلك من البدايه علمود الاعفاء
هذا كلشي ^_^

[مشاعر بريئه]

مرحبا
اخي اني هم مثلك وهم خامس وهم اريد الاعفاء
واكو كم نصيحه راح اكولهن
اول شي انتبه على صحتك والريوك مهم كولش علمود التركيز ع الشرح

ام بالنسبه للمواد الاحياء اهئ
هو ماده علميه لكن يحتاج درخ وجفظ كثير وﻻزم اثناء دراسة هل ماده تكون ﻻزم القلم بايدك وتلتزم بالتحظير اليومي ﻻن كلش مهم اها ولما تدرس الاحياء الزم القلم واقره وهو بيه كثير من المصطلحات وكل مصطلح اسحب تحته خط بالقلم وانتبه هو يصير تعريف وتعليل وفراغ
لما تكون تعريف ابدء انو هو شنو ...هل هو كيس ام جهازام عضو وهكذا
الرياضيات اهم شي بيه التركيز ع المدرس اثناء الشرح ﻻن اعتقد اذا ما ركزت ع المدرس محتكدر تفهم هل مسئله او شلون نحلت
وبعد مترجع للبيت الزم كتاب الرياضيات ورقه وقلم وحاول تفهم وتحل المسائل حتى تشوف نفسك فهمت او ﻻ
والقواعد اقره القاعده وركز ع شرح المدرس وارجع حل التمارين بدون الملزمه حتى تشوف نفسك فهمت ﻻ
والادب ﻻزم تفهم حتى يسهل عليك الحفظ
والكيمياء اهئ الدرس الاول ما ينحفظ ما يدخل للدماغ المهم حاول تدرسها وتقره وتركز ع المهم ﻻن الكيمياء علميه ومو كل الشرح مطلوب
وحاول تجمع درجات وتستغل هل شهر والنصف الاول ﻻن مادة الامتحان للنصف الاول حتكون قليله هع حاول تطلع درجه ب90او اكثر حتى تطمن وترتاح
ﻻن اذا كانت درجة الفصل الاول قليله راح يرافقنا التعب النفسي بسببها ﻻخر السنه

تقبل مروري ونصيحتي البسيطه هع

[ღĞiяℓღ]

انت مبين شاطر ^_^
الخامس علمي يحتاج فهم قبل الحفظ ،لمن جنت بالخامس ادرس بطريقة الورقة والقلم
لانو متخليك تنسه القريته ،، بالتوفيق اخي انت مبين تعبان ع روحك وترا الخامس علمي اسهل من الرابع

ههههه لاء عاد لما قريت ردج ايست من نفسي

[الريم]

ليش فيروز

[كليوبترا]

اني الحمد لله انعفيت اعفاء عام بالرابع وبالخامس ..
اهم شي بالدراسة هو تنظيم الوقت وبعدها تنظيم جدول خاص للدروس وطريقة قرائتها بالبيت..
الورقة والقلم تحتاجها أغلب شي بالدروس الي تعتمد على الفهم بالدرجة الأولى مثل ( الرياضيات والفيزياء والكيمياء نوعا ما بيها مسائل)
اما الدروس البقية مثل الأسلامية والأحياء والأدب تكتفي بالقراءة الشفهية فقط مايحتاج الها ورقة وقلم ...هاي بالنسبة لطريقة القرأة..
أما اوقات الدراسة أكثر شي قبل فترة النوم يعني بالليل لان المعلومات راح تترسخ بذهنك قبل النوم ..والصبح لان فترة نشاط وحيوية..
والخامس سهل مابيه شي ولاتتخوف من المواد ..
أتمنالك التوفيق يارب..