هنا

[الشاعر علي البدري]

آنة سكنة عمي آنة انده عليك
عمي هاي اطفال يمي شافت الجود ابأديك
كلها تنتضرك ترد
من العطش المن تصد
عمي هاي اطفال يمي شافت الجود ابأديك
ـــــــــــــــــــــــــ ـــــــــــــــــــــــــ ــــــــــ
عمي تسمعني من انادي صوتي نادة من الخيام
العطش ياعمي أصبح حارم اطفال المنام
للنهر ياعمي امشي هوة يوكفلك قيام
ايلملم ابروحة اعلى جودك بس الك يسمع كلام
يكول شو يمي الكفيل
اسمة مالة كل مثيل
عمي هاي اطفال يمي شافت الجود ابأديك
ـــــــــــــــــــــــــ ـــــــــــــــــــــــــ ــــــــــ
كلنا ننتضرك تجينة ونرتوي منك زلال
وتترس الجود انتة بيدك مايهمك اي قتال
أسمع اطفال وتنادي عمي وينك بس تعال
عمي عطشانين كلنا العطش ماضل بي مجال
من البجي خلصت دموع"
هاي اطفال وتلوع
عمي هاي اطفال يمي شافت الجود ابأديك
ـــــــــــــــــــــــــ ـــــــــــــــــــــــــ ــــــــــ
انته كافلها اليتامة انته كافلها العيال
وأنته كافل عمتي زينب بت علي خير الرجال
حامل الراية ابيمينك واكف ابسوح القتال
عالنهر ياعمي شفتك ابد ماتنطي مجال
عااليمين وعاليسار
العدو صابه الدمار
عمي هاي اطفال يمي شافت الجود ابأديك
ـــــــــــــــــــــــــ ـــــــــــــــــــــــــ ــــــــــ
وكفتك ياعمي هيبه أتقاتل ابأرض الطفوف
أتقاتل الجود ابيسارك الجودك ابدا ماتعوف
عاالجثث تمشي وتقاتل ماتهمك هألألوف
منهو مثلك في صفاته عاالنهر وزع جفوف
اجفوفك أتقاتل معاك
ازنودك التحمل لواك
عمي هاي اطفال يمي شافت الجود ابأديك
ـــــــــــــــــــــــــ ـــــــــــــــــــــــــ ــــــــ
عمتي الحوراء زينب الك جانت تنتضر
أتعودت دوم الخيالك عالمخيم من يمر
عمة يسكينة تكلي مني مل حتى الصبر
عمج العباس وينة وينة عباس الكمر
هااليتامة بس تلوع
من العطش خلصت دموع
عمي هاي اطفال يمي شافت الجود ابأديك
ـــــــــــــــــــــــــ ــــــــــــــــــــــــــــــــ
تمت بعون الله ونسألكم الدعاء
بقلــــــــــــــــــــــ م خادمكـــــــــــم
الشاعــــــــر علــــــــــي البــــــــدري
ـــــــــــــــــــــــــ ـــــــــــــــــــــــــ ـــــــ

[المخرج سجاد المعموري2]

شكرااا

[الشاعر علي البدري]

شكرااا

العفو حبيبي

[آيــات]

شكرااا جزيلا

[الشاعر علي البدري]

@ضوء القمر@

العفو ولا شكر على واجب

[الطالبة]

يسلمو

[ملاك الاحساس]

احسنت
وابدعت
سلام الله عليك يا ثأر الله
تحيتي

[فقار الكرخي]

عاشت ايدك اخوية
اسلوب رائع جدا
يذكرني بأحد الاصدقاء
أدام الله انفاسك الحسينية الطاهرة
ودمت بألف خير

[الشاعر سيد كاظم الشرع]

احسنت بارك اله بيك

[إحساس]

,, قلم رائع وفذ
وكلمات معٌبره سلمت وسلم إحساسك البهي
جوريتي لك,,