كضيت قلمي بنص ليل وشما أريد أكتب يجرني بحسره
كتله اشعجب شنهي عل بختك هاي اول مره
ادري انت موتدريني اكتب ؟ لا وحقّك موخليه الجره
كتله اشّفت كابوس ؟ شو من كلت كابوس هزني اوفز عليه بعين حمره
كال ارفع ايدك روح وتوضى وتعال وعيد ليه الكرّه
كتله الوضوء بليل كلش مستحب ويطرد ابليس وشره
بس كل فعل يراد اله ردت فعل أمر الوضوء انطيني فسره
كال الأمر كلش صعب
يرادله شدت كلب
كتله دخيلك ياعلي حيرني هذا القلم والله ابأمره
انّوب ردلي ابرد صلف كال الكلب لوينكسر شمحتاج الك وتجبره؟
لوحزنك الما ينكبت ياهو اليحط ايده على راسك بالحنان يصبره؟
كتله أعتذر منك قلم
ماجنت أحس بيك الآلم
انا اطخ راس وانحني أجلالاً لهاي العفيفة الحره
شكراً لكم
وأعتذر لأني لا أجد كلماتٌ ترقى لها
بقلمي الحائر
معكم سيد ضياء
رد مع اقتباس
المشاركة الأصلية كتبت بواسطة ملاك الاحساس
