رجع ضعني المدينه..أنه زينب حزينه
يخويه محمد الكاني..اجيت وشايله احزاني
.......................
يخويه من الطفوف بهمي جيتك..بكلب دامي ودمعتي
ذبحني الزمن خويه فوك التراب..ذبح خدري ودمعتي
اجيت وكلبي شاجر من الاحزان..مشت كبلي جمرتي
لجن ياخويه مني تطلع الآه..توجهه الكل دنيتي
رجع ظعني وتشوفه..وحيد الهم يطوفه
تصدع كلبي وآذاني..اجيت وشايله احزاني
........................
إجيت مغيمه عيني بدم الاحباب..عفت دلالي يمهم
اعيش اشلون كلي بلايه عباس..وابو اليمه علمهم
النفس من صدري ينزل جن سجاجين..انه بعازة اشمهم اختهم
لا بخويه تظلم الروح..تراني هناك امهم
مثل دمعي اطيح..أصد الياذبيح
غريبه بلايه خواني..اجيت وشايله احزاني
........................
يخويه محمد اتطالعني عيناك..أظنك معرفتني
ما معقوله ابدا أختي ياناس..صحت لمن شفتني
شفت عينك تكلي وينه عباس..اخوي الراح مني
ولا تكلي يخويه شصار بحسين..تحجي سياط متني
يخويه الجف خليه..ترد بنت الزجيه
ورد وتغيرت الواني..اجيت وشايله احزاني
........................
ريتك خويه حافر كبري والكاه..توسدني اعله صدري
لئن ظهري تلوع خويه بسياط..واخاف اتلجمه يجري
واريد بكبري تدفن روحي والاه..وتبقي وياك صبري
كبري خويه ضيعه من العيون..لئن تعرف بستري
يريت الحك اخوتي..ويعجل ربي موتي
بعدهم روحي شتاني..اجيت وشايله احزاني
........................
بقلمي الشاعره شهد المعموري
رد مع اقتباس
المشاركة الأصلية كتبت بواسطة مجنون الجوكر
