هنا

[Hani Yaqoub]

خوش موضوع وخوش ذكريات للبعض وطريقة كتابتهم مسليه

هذا الموقف صار بيه بالسادس ابتدائي
كان اكو مسابقة رياضيات فكان اكو طلاب 2 اذكياء بالصف والمدرسه الي بيه المسابقه محد يندله غيري
فكان موعد المسابقه يوم الجمعه
الاستاذ راد احد يدلي الطالبين الاذكياء لحد هسه اذكر اسمائهم محمد وسلام فانا نفخت صدري كتله استاذ خليه عليه الاستااذ اعتمد علي
المهم ثاني يوم اخوكم ظل نايم لا من درى ولا بطيخ المهم واحد من طلاب طلع راجع لبيتهم والثاني لا اجالي للبيت فانا كتله وحلفت جذب بوقته اريد اخلص من المازق لا اصير تصنيف بالمدرسه
كتله والله انتظرتكم وانتو ماكو ورجعت للبيت المهم اخذته وصلت للمدرسه فجنت بيه لابس نعال لاستيك وبجامه على فرض انا بس اوصلهم مراح اتسابق
وصلت صديقي بقيت بره انتظره اشو شوي وطلع كلي ولك تعال ميصير وحدي اتسابق لازم شخص ثاني وياي
انا هنا ياكاع انشكي وبلعيني لان جان مكان المسابقه متروس مدرسات ومدرسين وبنات ولد وكله كاشخه والزينه والكيك حسبالك عرس
وخيكم رايحه بهدوم البيت وكبل من النوم للمدرسه ما اذكر حتى غسلت لا والفشلكه الاكبر جانت اكو معلمه تحبني هواي لان جانت معلمتي سابقا وجانت اكو بعض البنات اعرفهن لان بنات جيرانا وجنه مختلط اااااااااه لهسه اذكر الضحك علي عاااا المهم خسرنه لان حظنه الفكر طاح باصعب سؤالين
انتهى الموقف
ماعرف اختصر بالحجي عااااا

[Hani Yaqoub]

هذا الموقف بالسادس علمي
بنهاية السنه كنت اريد اروح استلم نتيجتي مدرستي بالعشار اسمه الكفاح انا اصعد سيارة يلا اوصل اله
المهم طلعت من البيت مسافه وتذكرت ناسي الهويه فرجعت للبيت بسرعه اخذت هويتي على سرعه ونطلقت للمدرسه
قريب توصل السياره للعشار اباوع ولنه لابس نعال لاستيك مال بيت لا وفرده فرده يعني مختلفات خرررررررررب
احتاريتي بين ان ارجع للبيت والمسافه بعيده وبين ان اكمل للمدرسه ههههههههه طبعا خيكم راح للمدرسه بس الحمد لله بهاي المرحله ما اكو ويانا بنات حتى يضحكن علي
اما الولد عادي واستلمت النتيجه وجنت ماجل درسن جان معدلي 85 ونص فانا جنت اريد اروح كليه بحريه وتطلب 80 كلت المن دارس بعد شسوي بهل الدرجات
جان دماغي مال مغفل وصدك وانزل معدلي 80 وما انقبل بحريه ههههههههه لان المعدلات ارتفعت عااااااا

[Hani Yaqoub]

هذا الموقف جنت بمعهد النفط
بالمعتاد من ادخل للقاعه انزع الحذاء سوله فيوم من الايام اصدقائي باكو الحذاء وخلوني افتر بالمعهد بدون حذاء عاااا
الحمد لله المعهد يبعد عن بيتنا 500 متر او اقل

[Hani Yaqoub]

هذا الموقف بالجامعه مرحله ثالثه يعني ذيج السنه
مرحله ثالثه كلش ما داومت اروح بس بالامتحانات او قبله بيوم اخذ مادة الامتحان وادرس بالبيت
فجان عندي عبور بدرسين واحد من الدرسين الاستاذ راد يظلمني بالدرجات فانا بكل بساطه رحت للعماده اشتكيت عليه وكلي العميد الحق وياك
بعدين باوع الي كلي هو انت طالب عدنا كتله اي استاذ كلي انا شنو ادرسك كتله هااا ظليت افكر كتله
ادرسني متقدمه ظل يضحك كلي لعد الاستاذ الي بصفي شنو يدرسك باوعت عليه كتله والله ما ادري كلي شنو اسمائنا كتله والله ماعرف
هو هنا عصب كلش والله كلي جكد ماخذ عندي باخر امتحان كتله هم ما ادري زادت العصبيه عنده فول كلش طلع درجتي طلع سعي 40 من 50 عصب بالزايد وكلي
والله السنه الجايه اذا ما داوم سبوعين افصلك ولهذا السبب انا هل السنه جاي اداوم 3 ايام بالسبوع ههههه
للعلم بعد ما متحنت مادتين العبور وانطوني النتيجه ما لكيتهن بالنتيجه مكتوبات بسئلت عليهن كالو ناجح بيهن من ذيج السنه خرب
وخلوني امتحهنهن من جديد دور اول وفصليات وانا ناجح

[أغرد بهمس]

هههه حيل بيك......

[ميمي]

هههههههههه والله حظوظ وما فصلوك هيج غيابك وماكو خرب

[ميمي]

مدرسات الطليعه راوني الويل طبعا هاي العام باسادس ادبي
القوانين اول ماتطبق على صاحبتكم المهم فرصه قليله وجنت بيومه مفوله وحدي وصعدت لكيت مدرسه الجغرافيه
اول مره سويها وياي كالت روحي للاداره وجيبيلي ورقه ياله دخلين
طبعا الاداره تموت عليه وشافتني المديره الله
رزاله وكالت مداومين اله ولي امر يجي شنو دومج متاخره
وتسجلين غياب صعدت للصف بس اني بركان صايره دخلت كلت للمراقبه سجليني غياب والمدرسه ولا حجت بس ماتوقعت هيج يسون وياي
خلص الدرس مجرد ما صديقتي كالت شكالولج هههه كمزت كمزه معدله وبقيت اصيح وايدي بالباب مال الشعبه اضرب بيها الباب شلون ماوكعت ماعرف
ونوب رحت للحايط بس لعبت جوله وكلت بسيطه اله ما جيب امي ولا اي احد
بس ضوجني بعدين وخلني ابجي لحد ماجبت امي وياريت ماجبتها
بس بيومها اول مره اعصب لهاي الدرجه
ايه والله ايام
طولت مو هع دخلت بالسالفه كلش هع

[Hani Yaqoub]

ههههه
البارحه كتبت موقف اول بوري نضربت من بنت خرب والنت وقف الظاهر ما مقسوم احجي الموقف هههه

[Hani Yaqoub]

سنة 2001 جنت بالاول متوسط انتقلت لمدرسة جابر ابن الحيان بعد نصف السنه ولان اجتيهم متاخر فجانت الصفوف ممليه فما قبل المدير ان يستقبلني
بعد ما لح عليه عمي وكله هو ذكي ومن هل الصبغ المرتب فالمدير كله عدنا صف واحد نجمع بيه الراسبين من حيث يحتاجون دارسه تختلف عن بقية الطلاب
وبما انو ما اكو اي مدرسه قريبه قبلنه بامر الواقع المهم داومت وياهم اكتشفت ان الطلاب بعضهم راسب 3 سنين و4 والاغلبيه كسالى درجه اولى والوحيد انا جنت ما راسب وشاطر
فام الجغرافيه امتحنته امتحان مفاجئ فجبت 54 لحد هسه اذكر اجيت ابجي لان الوالد راح يعلكني ههههه ما احس الطلاب اله يبووووووي هاي شنو انت والله يردون يعبدوني
انا هنا انصدمت فرحت بالزايد ما اطول عليكم الامتحان الثاني ماكو واحد بالقاعه ما راد يكعد بصفي هههههه والحمد لله بفضل جهود الطلاب والواهس الي سوه الي
طحت اول شهر ب2 ههههههههه خربوني وربي والدرجات نزلت وخيكم نزل مستوى لان تاقلمت ويه الطلاب بس مع هذا بقيت اشطر منهم وبس درجتي بالرياضيات بقت معلكه عاااا
هاي قصة حياة مو موقف

[Hani Yaqoub]

كانت ايامي بالمتوسطه من اغرب الايام واحلاها لان جنت اداوم ويه طلاب ما يهتمون بالدراسه مثل ما كلت بالموقف السابق ويه الراسبين
احد المواقف الي جانو يسونه بالمدرسات مرات يعلكون وزغ بالباب بخيط علمود لا تدخل المدرسه الصف ومره منهن واحد صاد خفاش من المرافقات لان جانت هاملينه فيسكنون بيه خفافيش وطيره بالصف هههه وخله المدرس تصرخ صريخ ماله اول ولا تالي ومره واحد بيه جاب حمام للمدرسه وطيره
بس جان وياها ولد اسمه غزوان الله يذكره بالخير جان هذا تصنيف ويمكن شاخط من سوالفه الي محد يتجرا يسويه يعني مره ترادد ويه مدرسه وراد يضرربه بالصف فمكال باطل فغير يوم
جاب ولد من اهل الجمهوريه اتصور او حي الزهراء ما اتذكر عدل الولد وين جان ساكن فالمعلمه جانت درسنه عربي فاجه هذا الولد وسواها بالصف كبال المعلمه هههههههه احتارت المعلمه شلون تطلع من الصف هههههه
وجنته نختار قدوه اكسل طالب بالصف حتى لا يسجل حظور ولا يهتم بالنشاط الدراسي هههههه