يسألوا عني
يسألوا عني يا غالي كيف فاض الشوق فيني
جيت ابنطق وأتكلم بس تخنقني دموعي
ودي أحكي ودي أشكي ودي أبكي من حنيني
قالوا اشتقت نبض قلبي ونادتني ضلوعي
للحزن فيني عذابه ميلت خوف جبيني
والدموع والذكريات أعلنت لحظة خضوعي
أتذكر في خيالي ضحكتك لما تجيني
وأتذكر ضمتك لي عند فرحي وعند روعي
كل ليله وأنا أشكي للقمر غصة انيني
والنجوم تظل تمسح دمعتي صمت ولوعي
يسألوا عني يا غالي كيف فاض الشوق فيني
جيت ابنطق وأتكلم بس تخنقني دموعي
كنت عمري كنت صبري كنت في روحي ظنيني
ومن قفيت ورحت عني صرت في طيفي الشموعي
صار كل الكون ظالم وصارت ترجف يديني
كل من حولي نسوني في ضماي وعند جوعي
كيف صبح الكون يطلع والشموس تموت فيني
كيف ليل الإنس يحلا وإنت لي فجر الطلوعي
لو بينده لك حبيبي تحلم بشوفتك عيني
والصدر يزفر بحره يكوي العظم وضلوعي
كل شيء فيني تغير حتى إحساسي الدفيني
وإنت يابوي إشتياقي وإنت حزني وإنت لوعي
رد مع اقتباس
