هنا

[الشاعر سيد كاظم الشرع]

((كوم يبن الحسن عجل لينه))
================

وعداك
يبوصالح علينه طال وعداك
ربك واعدك ما يختلف وعداك
بغيابك صفينه هدف وعداك
علينه تجمعت من كل ثنيه

(((القصيده)))

كوم يبن الحسن عجل لـينه=طوّل غيابك يمهدي علينه
يمته مولانه الفرج=شيعتك طحنه بحرج
ضاكت الوسعه يمهدي بينه
كوم يبن الحسن عجل لينه
===========
وين أبوصالح المهدي المنتظر=وين أبن طه النبي سيدالبشر
ولله ضاق الصدرياشبل الطهر=غيابك علينه أحرمـــن الجمر
سيدي فراكـك يعز علينه
كوم يبن الحسن عجل لينه
=============
سيدى يالمهدى يبن الطـــــاهره=ما نسولف عن عهود الغــابره
نريد نشجيلك وكتنه وحاضــــره=ألتمت علينه الوحوش الكاسره
مزمجره ألأنياب تنهش بينه
كوم يبن الحسن عــــــجل لينه
========
من أجه التغير هوسنه بفرح=أطلعنه للصندوك وي خيط الصبح
كلنه ذوله أشراف بلسم للجرح=كلنه ذوله أهل العقيده أهل الصلح
تصورينه ناس منه وبيــــنه
كوم يبن الحسن عجل لينه
===============
تبين النه العكس ماعدهم بخت=بس وصــل وتربع بظهر التخت
صار يحجي بلا حـياء بلا بخت=أتحول من الدين وهابي زفت
صار عكرب سمه ينفث بيـنه
كوم يبن الحسن عجل لينه
===============
تشوفه إنسان ولطيف ومُحترم=لابس العمه ويسولف بالعلم
للأسف مولاي مــــــــاعنده قيم= في سبيل المال يخذل دينه
كوم يبن الحسن عــــــــجل لينه
=======
حجيه معسول ويسولف بالشرف=ألحيته ثلث متارمولاي ونصف
من تدقق عنه تلكاه منـــحرف=فعله فعل أيزيد بل أكثر جـلف
سيدي ضاع الصحـيح أعلينه
كوم يبن الحسن عجل لينه
===========
يروح للمسجد كبل طرت الفجر=بالصفوف الأولى يحجز ينتظر
لاجن نخبرك يبن سيد البشـر=كلبه حاقد يشبه الكلب الشمر
بخنجره مـن الكفه يطعن بينه
كوم يبن الحسن عجل لينه
=================
واليحز بنفوسنه يبن الطـُـهر=صارت أحــزاب وفرق عدنه كثر
كلمن يغـني على ليلـــه بكتر=التبست علينه الحقـــــائق والصور
صعدت صـخونتنه من رجلينه
كوم يبن الحسن عجل لينه
============
سيدي يالمهدي قد جارالدهر=سيدي وبغــــــيابك الحق أندثر
جان عدنه بكربله واحد شمر=اليوم عدنه آلاف مخفيه زجر
بالضعن متقدمه وتحدينه
كوم يبن الحسن عجل لينه
طوّل غيابك يمهدي أعلينه


خادم الحسين

[تشيللو]

شكرا لك.بوركت..