احساس شاعر
تاريخ التسجيل: July-2014
الدولة: بغداد الحبيبة
الجنس: ذكر
المشاركات: 61,710 المواضيع: 17,442
صوتيات:
2
سوالف عراقية:
3
مزاجي: متقلب جدا
المهنة: كرايب الريس
أكلتي المفضلة: الباجه
موبايلي: نوت ٢٠
آخر نشاط: منذ يوم مضى
الاتصال:
أشعار حسينية 2014-2015 , أبوذيات حسينية , ومضات قفشات حسينية , موسوعة شعرية حسينية
أشعار حسينية 2014-2015 , أبوذيات حسينية , ومضات قفشات حسينية , موسوعة شعرية حسينية
المجد مـاينصنـع باعداد الألـوف
المجد ينصنع من واحد او اثنين
اجت للطف الـوف تشيل رايـات
وكلهـم يهتفـون انـصـار للـديــن
تلاشت هالألـوف وصارت اصفـار
دورنـه المجـد شفنـا بـالحسيـن
أضل انحب عليك الليل ونهار
أريدك ما أريدن ماي ونهــار
كفيلي جان راعي الجود ونهار
حيلي من رحل راعي الحميه
فراگ النحبهم صعب
لحظه ويجي عاشور
محرمنة كرب واشتم حزن جاي
تحظر ياصدر اقترب موعدنة
اكول للدمعة نزلي وصيحي ياماي
ياماي الحسين الماشرب منة
رادت تقوم القيامه بكربلاء
شُمـَر دمـّه حسين ماطاح الدمه
ليلــــة العاشـرعظيمـــــه == چـن قـدرعدهـم تشاهـــــد
تـدوي بأصـوات العبـاده == هـذا راكـع ذاكـه ساجــــد
فـارگ النـوم النواظـــــر == كـل فرد بهمومه زاهـــــد
يـعايـن الباچــريـتـانــــي == وشـأيــل چفوفـه ويناشــد
يدعـي من ربـه استجابه == يفــدي بـالروح النجابـــه
أي هــي رادتـــهــــــــه == شنهـي نشدتهـــه
دمه مو عالگاع طاح اعل السماء
يعني خله الگاع تمطر عالسمه
زينب مشت للشام والمدمع يسيل
رادتك يالعباس للمحمل اشيل
مشاية نقصد جينا - نزور حسين
رغم العدى تعنينا - نزور حسين
ومنا صرخة تعتلي - إي وحكـَ حيدر علي
جينا متعنين يدفعنا الحنيـــــن
يبن خير النسا وسيد المرسلين
وحكـ حيدر ماتنسينا السنيــــن
خلها بينا شماتلوم الحاقديـــــن
مايهمنا عاذلي - إي وحكـَ حيدر علي
خلها بينا شما تِحرف هالعقول
ثابتين بكل مواقفنا ونكــــــول
نقسم بهادينا ياشبل البتـــــول
للأبد عن دربك أبداً مانحـــول
نعتني ياابن الولي - إي وحكـَ حيدر علي
العـــلـه عــاف العله شانه ورحلك
وزمانك ما صـــفــه ساعه ورحلك
تــگـــطَّع جســـمك الطاهر ورحلك
تـــوزع شـــمله مـــا بـين آل اميه
نعتني ومنه المدامع سايلــة
لأجلك انضحي النفس والعايلة
إي وحكـ صبر العقيلة بكربــــلا
وراسك الدامي الذي برمح اعتلى
مانهاب الجاهلي - إي وحكـَ حيدر علي
لو يقطعونا زحف نِكصد نــــزور
والدِمى منا يبو اليمة تفــــــــــور
مانعوفك سيدي ليوم النشـــــــور
خلها بينا شماتلوم أهل الفجـــور
فدوه لك روحي وهلي - إي وحكـَ حيدر علي
ومن نطب يالوالي كلنا بحضرتك
ندعي ياموعود عجّـل طلعتــــــك
راية الكرار رفها بيمنتــــــــــــك
تمحي بسيف الجلالة العادتــــــك
واطلب بثار الولي - إي وحكـَ حيدر علي
وحيره بيهـه شلون حيره == زينــب تعايـن لخوهــــه
وذبـّـل جـروف المدامــع == وليلـه وحشه وهيموهــه
ظلــت الليلــه تراقــــــب == ونـادت أبلهفـه أبوهــــه
عايــن حسـين أوعضيده == وباقي أخوته الرافگوهه
واصحاب قله النصرتـــه == وبعينـي اعين دمعتـــــه
ظلـت اتناشـد عگلهــــــه == والالــــم ماكــــل گلبهــــه
هيبـه وارجـال أوبسالــه == وباچـر شلون اتحسبهــــه
دنيـه تتغالب عليهـــــــم == وتعلــن اعليهم حربهـــــه
كافــي ياليـل المـواجــع == نــارك أو بيمـن تشبهــــه
خافــن ابطـّرت الفجـــر == أيجــّرّد سيوفــه الغـــــدر
گعـدت أتعايـن لأخوهـه == ويــه كافــلهه وصحبتــــه
ويــاهم أولاده وأخوتــه == ومنهه تجري دموع سكته
قـِلـه همـه ونـاس يامــه == إتكالبــت كلهـه الچتلتـــــه
وينـه حمزه وينه جعفـر == أتمنــت اليـوم ابحضرتــه
أوينه حماي الحمــــــه == اليــوم يشهــرصـارمــــه
وجـّر أبليلـــي حنينـــــــي == وزيــّد آلامـــي وسهــــادي
مايمــر النــوم بيــــــــــــه == واسمــع بصوتـه ينــــــادي
نَشفــي دمعچ آ ه يخويـــه == هــذا يومـي وبي معـــــادي
آنـه شفـت الساعه جَــدي == وجنتـّـي هــاذي أو مــرادي
أيــن الصـبرُ في المقدور == غــاب َ عنـي كُــلَ ســرور
عن هواكم سيدي لا مانتــــوب
غصباً اعلى الجاهلي نكطع دروب
مايمنعونا لوَنْ تِشْعَل حــــــــــــروب
ياشهيد تصيح لبيـــــك الكلــــــوب
وبيها حُبك يمتلي - إي وحكـَ حيدر علي
چنه سگـًف اوبيت ألكــم == تبــركينه بكـــل وديعـه
وأيـد ابو اليمه المستنــه == احـنه جوه أيــده نطيعه
وچـف ابوفاضل بنتنــــه == وسفه شفناهــه گطيعه
ودگـت الاصحاب شًبهـه == گـدهه يالصحبه البديعه
اثبتونـا في الوجـــــــود == لكـــن الطاغـي الحقود
سارت النـار بجسمنـــه== بنصهه احــنه بس نناشد
ردنه فـــد واحد يجينــه == گلنــه عــبـاس ويعـــاود
يطًفًي نار البينه تلهــب == وسيفـه بيـده هًــمً نشاهـد
وتگعـد الاطفال يمنــــه == احنـه الهـــه بــس نهـادد
أيـن انصار الحســـــين == أيــن جبريــل الامــــين
جبتـني ابعز تباري الضعن بدراك
عجب يم الشريعه غاب بـــــــدراك
عفتـني شــــــلون يا عباس بدراك
بين اعداك برض الغاضريــــــــــه
عطاشه ونخن راعي الجـــود يردن
عذب ماي الفرات اليـــــوم يـــردن
سيوف الغـدرعا العباس يــــــــردن
يـبعـدن هيـبته او جوده عليــــــــــه
يحادي الضعـن يم حسين ودنــــي
احط الراس يم الجســــــد ودنـــي
ذيـج الساع لو للموت ودنـــــــــي
بين اهل الشيم باالغاضريـــــــــه
احس وياي حيــــــــدر مالي غيره
لعلي تـلوكـ الخلافه مالغيــــــــــره
خذاهه ابزغل ناقص مالغيـــــــــره
وصار اول خليفه ابن الرديـــــــه
الي خلان ابي اتعـنه واصلها
واوشل دمعتي عليها واصلها
يلن الطيب ساس الهه واصلها
يرد لرض الغري وذاك الشفيه
انوحن واجذب الونه على الراح
كضيت العمر بس اصفك على الراح
بغربه وما شفت ليله من الراح
من عفت النجف والبي حميه
الارض هلت فرح هاليوم وسمه
ومن حسنه الحواري خذن وسمه
هبط جبريل زف الفرح وسمه
علي الكرار للشيعه هويه
يبو الحسنين جن وانس ياريت
ومن سيفك جيوش الكفر ياريت
متى ازورك يداحي الباب ياريت
اليه جناح اطير ابهل مسيه
علي حبك باالبهر دم ويسري
تفزع دوم الي بعسري ويسري
ظاكت حيل يا حيـــدر ويسري
تفكه بجاه فاطمة الزكيه
نهض يوم الغدير احمد فتاها
الدنيا شما جنت حيدر فتاها
عبنه كبود اهل خيبر فتاها
ويعلم بالسما وفوكـ الوطيه
جبت ليله وجبت رمله وسكنه
وكلبي ابيش اهيدنـــه وســكنه
تمنيت اللحد ينفك وســـكـــــنه
ونامن ويّ اخوي البي حميه
انته الجان بيك الظهر ينشـــد
وسيفك جان عالعدوان ينشـــد
اخوك اوحيــد بالميدان ينشـد
لو عباس حي يلحك عليــــــه
ليله وحـده وبيهه زينب == لازم أتـــــكمـّـل الــــوداع
وماتكفـي حسـين وحـده == خلافه تدري بكلشي ضاع
شلـون تشبع من حديثـه == وترتوي بحلــوالطِبــــــاع
أويـه عبــاس اشتكفـــي == هـذا المخـوف السبــــــاع
ليلـه بس بيهـه الســواد== خلافــه تتعاگــب جيــــاد
بطا ياحيــــف يا عباس ورداك
أخافن عالشريعه حضــر ورداك
يخويــه ما أريـــدن ماي ورداك
أروه بشوفتك يابو الحمــــــــيه
أحب طبعك واحب شعرك ونسلاك
أثر شعرك تبعنه احنه ونســــلاك
أنته السيف للشــــــده ونســـــلاك
أحارب بيــــك عدوان الزكيه
عجيبه اعلى النهر للحين ونصار
بلايه معين ضل حسين ونصـــار
سلوتنه بفكـــــد عباس ون صار
وتضل طول الدهر ونه شجيه
يداحي الباب ياحيدر علينه
بسمك عالامم كلها علينــه
أخبرك دارت اهل الشر علينه
أفزع شيعتك راحت ضحيه
على بختج يزينب لا تهمين
وحق حسين ما عوفج وحيده
اليأشر بيده ويريدج ترحلين
كبل لا تنزل انه اكطعهه ايده
ما تختلف انه بغيرتي اثنين
لان وارث الغيره من الصميده
عندي انصار وتعرفينهم زين
يقربون المسافات البعيده
عاشو كل عمرهم خدم لحسين
والفزعه عليهم مو جديده
ايتفدونج لحد ما انتي ترضين
وبيت من الشعر مطلوب اعيده
يعباس إنتصر نهـــجك وديـنك
هديت لخيك عيــــــونك وديـنك
الزهره حافظه حـگوگـك ودينك
تجي بـچفيـــــــــنك أم الهاشميه
الــگــلب بـــالعزم صبــرته ومنته
وفرشته اعله الترب يـــمك ومنته
منته الكـافــــــل ظعـــوني ومنـــته
الجبتني وياك ليـــش اگــطعت بيه
اهمومي هموم فوگ الگلب منتل
وســــبّاح الـــدلـــيل إعــليك منــتل
گـــوم ارجــعــنه يـــا عباس منـتل
جبــتــــنه ويــاك لـرض الغاضريه
الـــدهر شتـــت شـــملنه بالظعينه
ودلـــيــلي سيـــوف اميه بالظعينه
وســافه الــشــمر يحدي بالضعينه
وابـــو فــاضـل عــلى الغبره رميه
يعــــباس اســتــمع عـتب ولا ماي
غـــريــبه وزادت ابفگدك ولا ماي
مهــجــنه بالعـطش تلهب ولا ماي
يخـــمد جـــمر لــوعتــــنه السريه
الـــليالي ما اصــدلهن ولا عــــون
دعـتني لا ضمد عندي ولا عــــون
لا عـــباس لا جعــــفر ولا عــــون
ولا عثـــمــان كـــلها اگــطـعت بيه
يـــبو الـــسـجاد گلي شصار وجره
أهــيّــس نــار حـــدر الظـلع وجره
يگـــلــها الطفـــل دمـه سال وجره
رضـــيــع وفــطــمته سـهام المنيه
عن لسان حال ام كلثوم في غربتها
رهــــيــف العــسر لظلوعي حدبها
وشبيه الگوس والحـــاجب حـدبها
الظعاين عگـــب حـــاديها حدبـــها
الشمـــر وايـشومر ابسوط الرزيه
اون ونحـــب وانـوحن وحن ويهاه
على الراح وچـــبـدتي ابنار ويهاه
الي والد شــبــيــه البـــدر ويـــهاه
الـبـدر عجـــبه ايــتوسد عــالوطيه
لســـاني يلـهج باسمك ورديت
وعساني مثـــلك اتوذر ورديت
اجيـتك للنهر انحــب ورديـــت
خفــــت لــن النهر يشتمت بيه
خطاب الرباب لولدها عبد الله الرضيع
ضمـــيري ابكعـــبة المحنه يطفلي
ومهجتي من تشـــب دمعي يطفلي
آنـــه امـــك واهـــز مهــدك يطفلي
نســـيـت امصـــوب ابـسهم المنيه
يجـاسم يـــبني حيلي عليك دمعاي
ودلـــيلي بــالنحب والـنوح دمعاي
اشلون اصبر وانشّف سيل دمعاي
وشفـــت دمــك يسيل اعله الوطيه
يجـاسم يـــبني حيلي عليك دمعاي
ودلـــيلي بــالنحب والـنوح دمعاي
اشلون اصبر وانشّف سيل دمعاي
وشفـــت دمــك يسيل اعله الوطيه
الفـــلك مـــا يعتدل بالعكس يا دار
ولا ينشف دمـــع عــيـــناي يا دار
يــــدار الاهـــل اهــلـچ وين يا دار
گـــولـــي ولا تــخــليها خـــفــــــيه
يــــهالتنشد عـن اهلي وين ماوين
تعنّوا كـــربـــله والظـــعن مــاوين
اشـــتــظن گـلبي عليهم ابد ماوين
يون وينوح كـــل صــبح ومـــسيه
زمـانــي عگـب عينك سلمتني
او راحـــات النــوايب سلمتني
رحــت عــدمن يـبويه سلمتني
يــتــيمه ويـا شهم وصيت بيه
تجميعي
وجميعها منقولة
أشعار حسينية 2014-2015 , أبوذيات حسينية , ومضات قفشات حسينية , موسوعة شعرية حسينية
رد مع اقتباس
