عباس زينب نادتك وين الكفاله =هاك الخبر =داس الخدر =جيش الضلاله بقلم سيد كاظم الشرع
عباس زين نادتك وين الكفاله
هاك الخبر=داس الخدر
جيش الضلاله
عباس وين الكفاله
-----------------
عباس من يوم أطلعة=من يثرب وياك= ويرفرف ألــواك
أمشي معزوزه مكرمه=ومأمنـه بحمـاك= ويرفرف ألــواك
تباري الضعنه ومرهفك=مجرده بيمناك=ويرفرف ألـــواك
محزم أتباري المحملي=عيني عله عيناك= ويرفرف ألواك
نعمين راعي المرجله= ظعن الحرم متكفله
جنت بوجودك يالولي بـــعزه وجلاله
عباس وين الكفاله
=======
عباس أبونه من خطب=أمك يمقدام=يانسل ألكرام
غايتـه تحظر كربله=تنصرألإسلام=يانسل ألكرام
من جنت أشـوفك بالمهد=نايم يضرغام=يانسل الكرام
كلبييـرق وينكسر=وتــزيد الالام= يانسل الكرام
جني أشوفك =عل غبره عوفك
عكبك أروح ميسره بأيدي الجهالة
عباس وين الكفـــاله
=======
خلافك يعباس الدهر=ما أنصف وجار=والدهر غدار
تدري يبن عقد الوله=عدوانك أشرار=والدهر غدار
تحيرنه خويه بكربله=ما ضلت أنصار=والدهرغدار
عكبك خيمنه تلاهبت=حركوها بالـــنار=والدهرغدار
من طاح جفك والعلم=ضاعت يعباس القيم
تولت يعباس الحرم أهل ألضلاله
عباس وين الكفاله
=======
خويه يعباس الدهـــــــــر=مُجرم وخوان=بينه الدهـرخان
حيرنه خويه بكربلــــــــه=ماعدنه وليان=بينه الدهر حان
بس العليل بخيــــمتــــــه=ناحل أوجعان=بينه الدهر خـان
كلوب اليتامه من العطش=تلتهب نيران= بينه الدهر خان
ريتك تشاهد= حالت العابد
المرض ياضنوة علي مغيرحواله
عباس وين الكفاله
==========
أطفال وحرم من العـطش=مفطوره الجبود=تتأمل تعـود
من رحة صوب المشرعه=بيمينك الجــود=تتأمل تعـود
مادرت لنك عل نهــــــــر=مكطوع الزنــود= تتأمل تعود
ضيَـعت كُل ذاك ألأمـــــل=ضربة العامـــود= تتأمل تعود
وسفه على الماي=مذبوحيحماي
أظلم خدرنه بطيـحتك سلم هــلاله
عباس وين الكفاله
======
من طحت فوك المشرعه=خدري تسلب=والنار تلـــــهب
خلافك خيمنه تفــــرهدت=وعداك تنهب=والنار تـلـــهب
عكبك يناديني الشــــــمر=كومي يزيـنب= والنارتلـــــهب
حظري طفالج للســـــبي =على الهزل تركب=والنارتلهب
خلافك يسبع الكنطره=زينب يخوهه ميسره
حرمله يباري المحملي ومشي كباله
عباس وين الكفاله
=========
وحسين عفته على الثـره=نايم المهـــــــــيوب=ومسلب الثوب
وسفه شبل حامي الحمـه=على الوجه مكلوب=ومسلب الثوب
والرجس يكطــــع منـحره=والشيب مخضـوب=ومسّلب الثوب
وبحضن الحسين الطـــفل=بالنبله مصيــــوب =ومسلب الثوب
حالة رضــــــــــيعه=أعظم فجـــــــــــــيعة
عكبك يبن فارس مضرضاعـة أطفاله
عباس وين الكفــــــاله
=========
للكوفه يا شبل الطـُهــــــر=غصباً مشينه=غايب ولينه
طبينه ديـــــــوان الرجس=ومجتفــــــينه=غايب ولينه
الراس الحسين بلا خجل =يضرب جبينه=غايب ولينه
يشتم الزهره الطــــــاهره=متشفي بيــنه=غايب ولينه
ينشدني عليك=وبدمعي أناديك
وينك يشــــيال العلم وين الكفاله
عباس وين الكفاله
======
من الكوفه ياراعي الشيم=ودونه للشـــام= بس حرم ويتام
وتدري يعباس الظـــــعن=يحتاجله أحزام= بس حرم ويتام
دنيانه ظلمه وموحشـــه=خلافك يمقـــدام= بس حرم ويتام
والحادي طوح بـالظعن= والكوم ضلام= بس حرم ويتام
أطفال ومداليل =عكب البهاليل
خلافك يسبع الكنطره حالته حاله
عباس وين الكفاله
سيد كاظم الشرع المحمودي الموسوي
رد مع اقتباس
