هنا

[الشاعر سيد كاظم الشرع]

آه يازينب
=========

آه يارينب يبنت الأكرمين=شلون حالج من رجع مهرالحُسين

يصهل ويجري الدمع=ينادي الحسين أنصرع

والشمر حز النــــــــــحر والودجين

آه يازينب يبنت ألأكـــــــــــــــرمين

=========

شلون حالج من رجع ليج المُهــــر=يسحب عنانه ودمع عينه يخر

يصيح طاح حسين على الغبره وذر=لون حاضر والله عبـاس الكمر

جان مــا جسرت علوج ألمُجرمين

آه يا زبنب يبنت ألأكــــــــــرمين

==========

شلون حالج يبت حمّاي الحـــــمه=من لفاج الغوج مخضوب بدمه

أدري فكرج راح لمج فـــــــــاطمه=ذكرتي بالتأكيد ذيج المضــلمه

تذكريتي البــاب وسقاط الجنين

آه يا زينب يبنت ألأكــــــرمين

=========

عفه صبرج زينب الموقف حرج=حين شفتي المُهرمكلوب السرج

خالي من حسين أبوالتسعه الحُجج=أضن فكـــــرج راح للكوفه ولج
أذكرتي كـوفان وغدر والد حســـين

آه يا زينب يبنت ألأكـــــــــرمين

=======

شلون حالج زينب بهاي المحن=حين شفتي المُهريسحب بالرسن

أدري فكرج راح يم جبد الحسن=ذكرتي سَم المجتبى وذيج الفتن

أتذكريتي النعش وسهام اللعين

آه يا زبنب يبنت ألأكـــــرمين

============

شلون حالج يبت حمّاي الدخــــــيل=حين رد المهر يصهل بالعويل

خالي من حسين بس غمد الصقيل=بالخيم ما ضل زلم غير العليل

والكفيل مكطع اليــسره ويمـين

آه يا زينب يبنت ألأكـرمين

===========

عفه كلبج زينب شحامل قهر=من نزلتي وشفتي بعيونج شمر

فوك صدرحسين ويحز النحر=أدري فكرج راح يم فارس مُضر

صحتي وينك يـا أمير المؤمنين

آه يا زينب يبنت ألأكــــرمين

================

شلون حالج يخت عباس الكمر=من غفت عين الكفيل على النهر

وهجم للصـيـــــوان بنذاله عمر=أحرك خيامج وفرهد للخــــــــدر
عكب أبو فاضل بكيـتي بلا مُعين

آه يازينب يبنت ألأكــرمين

===========يد

آه يا زيــــــــــــــنب يبت عقد الوله=شلون حالج مـن لفاكم حرمله

وقيدوّا زين العـِـــــــــــباد بسلسله=وجابوا أعجاف الهزل للــــعايله

ياهوّ ألركب بـنات المرسلـــين

آه يا زبنب يبنت ألأكـرمين


سيد كاظم الشرع

[فاينمن]

بارک الله بک سیدنا

مو عجیب هذا الابداع بلشعر من بیت الشرع