هنا

[الشاعر سيد كاظم الشرع]

القاسم الغريب بن ألأمام الكاظم ع

-------------

غريب الدار ألف وسـفه=مقامه محد يعـرفه

القاسم والده الكاظم=فقيه و عابد وعالـِـم

مقامه محد يعــــــــــرفه

غريب الدار ألـف وسفه

==========

طلع متخــفي تالي الليــل=مطلـــوب البني العباس

مايندل طريـــــــقه منيــن=كل مَلزم عليه حــــراس

مايعرف نوايه الكـــــوم=خاف يطيح بيد أرجساس

تسلمه الزمرة ألأشـرار=الضمائر ماتت مـن الناس

باعت دينها بفلسيـــــن=ما ضل للــــــشرف مقياس

نفس ذاك الكبل واليـوم=نفسه عدنــه كثره أنجاس

الوادم عافت ألإيمان=بجدمه داست الوجدان

أعله جتله تدور أبلهـفه

غريب الدار ألف وسفه

========

صارت وكفته بســــــــتان=كثيفه وعاليه ألأشـجار

صار القاسم ابحـــــــــيره=لوين يروح ماله أنصـار

سمع يحجن بنات أثنـــين=يقسمن بالوصي الكــرار

كال ألهن من المقـــــصود=كالن راعي الفـــــــــقار

نشدهن كالهن يـــــــــاهو=بهذا الحي جبـــير الدار

كالت وحده منــــــــعدهن=أبونه النــــاهي والأمار

تفضل روح للديوان=أبونه بهل بلد عنوان

تعال البيـــتنه وشـــــرفه

غريب الدار ألف وسفه

=============

بصحبتهن مشه للدار=شاف أضـيوف مختــــلفه

عاقـــد جلسه والدهن=يحل الصـــعبه والكـــــلفه

القاسم ســلم وكامت =كأنها الـــــــــوادم إتعــرفه

المؤمن بألله والمختار=من ألله مو خفي وصــفه

شرايك بالذي جـــــــده=أبو الحسنين مــا يـُخـفـه

القاسم من نسـل عدنان=من يجبل على الديوان

أنوار النــــــبي اتكشـــــفه

غريب ألدار ألف وســــفه

=============

القاسم ضل ثلث تــــــــــيام=ضيف معـزز مكـــرم

رابع يــــــــــوم أجه للشيخ=كله أسألك يــــــا عم

عمل يـــــــا عمي تنطوني=أعمل بيه وضل عدكم

كال الشـــــــــــيخ يوليدي=عليمن مغتم ومهـــتم

تضل طــول العمر ضيفي=والغلــــمان ألك تخدم

الضيف أنحطه بالعينين=يبني ما نشده منين

يعمي الضـــيف منكلــفه

غريب ألدار ألف وسفه

===========

القاسم كالـــــه ونعـــمين=من أهل جود أوفه ورقـه

لاجن الشريعه تكـــــــول=ثلث تيام مــــــــــــن حقه

صرح بيــــــهن المخـــتار=الزايد يعتــــبر صـــــدقه

كال الشيـــــــخ يولـــيــدي=ترعه أغنــامنه بــرفـقه

القاسم كـــــــــاله يــــاعم=آني مهنـــــــــــتي ســقه

يعمي مُنيتي بدنياي=أجيب من الفرات الماي

وروحي بهل عمل تصـفه

غريب الدارألف وســـــفه

==========

ألك هذا العــــمل كـــــــله=يبني بــــــــاشر عمالك

روح وأجلــــبنه الـــــمـاي=النهر ذاك هل أكـبالك

يبني أضـــــــيوفنه طيـبين=لا لاينشـــــــغل بالك

أعمل يبني بـــــالــــــراحه=لا تضــــغط على حالك

أشوفنك ضــعــــيف الحال=وخاف عليك تتـــهالك

كال القاسم بعيناي =لضيوفك أوفر الماي

ما قصر0ولا 0غـــــرفه

غريب ألدار ألف وسفه

==============

القاسم من يصل للمـــاي=ينتابه فزع وأحساس

كأنه يشـوف جده حسين=بالحـــومه بلايه راس

كأنه ينظــــــــــــر ألأكبر=عليه تحاشمة أرجاس

يذكر عمـــــــــــته زينب=أسيره بين كوم أنجاس

يملي جربته مــن الماي=يذكرجربة العـــــــباس

يضل يتأمل القاسم=دمعه على الوجن ساجم

ونارحسين ماتطـــــــفه

غريب الدار ألف وسفه

=============

بعد مده أنتبه له الشيـــــــــخ=شافه يعــــــــبد الربه

تشع أنوار مــــــــــــــن وجه=من يسجد على التربه

الرجل حب يعرف حوالـــــه=وبكلبه ثبت حبـــــــــه

لاجن هيبة القــــــــــــــاسم=تمنـ� �عه يحـــقق الرغبه

يشوفه يناجي الباري=دمعه على الوجن جاري

بكه متحـير بوصــــــــفه

غريب الدارألف وسـفه

============

لمن شافه رجل صـــالح=صار يزوجه ويقــربه

جمع أهل الطرف والحي=أطلعهم على الرغـبه

كالوله العقد والـــــــــحل=بيدك وانت التحسبه

لاجن بس طلب عـــــدنه=تعرفه منين وتنسبه

كالهم رجل عابد=ماحاجه نجي ناشد

الورع يكفينه عــن عرفه

غريب ألدار ألف وسفه
======

أجه شيخ السلف خجـلان=يمشي برهـدنه وبهداي

وصل يم الغـــــريب وكال=يبني منيــــــتي بدنياي

يبني أقبل هديـــــــــــــتنه=وحده مـــن بناتي هاي

أزوجك منها يالــــــقاسم=وبهذا تكر عيـــــــــناي

القاسم كاله مشكور=ألك هذا العمل مذخور

أيجازيك النـبي بلـطـفه

غريب ألدار ألف وسفه

============
تزوج مـن بعد مــــــــده=طفله القـــاسم نولدت
بعد فتره الغريب نصاب=المنيه كربت وحــــلت
ساعته الغريب أفـــشى=سِره ألبنته وانهضمت
وكال العمه ياعــــــــمي=وكت مصارحه حلـــت
اخذ هاي اليتيمه ويــاك=لون حجاجــــه سارت
يعمي حي بني هاشم=أهلي والدي الكاظم
بيتي عالي الشـرفـــــه
غريب الدار ألف وسفه
===========

الرجل لمن عرف ضيفـــه=من أولاد النبي المختار

أخذ يلـــــطم على راســـه=ويهل الدمــــــوع أعبار

شعذري مـن أمك الزهره=يقاسم والوصي الكــرار

شكول وشعـــــــتذر يبني=من أبوك الكاظم المغوار

كال القاسم العمــــــــــــه=يعمي مــــــا عليك غبار

دمك خالط الدمنه=هنيالك على الجنه

معروفك جزه وكـفـــــه

غريب الدار ألف وسفه

==========

سيد كاظم الشرع

[احمدالبغدادي]

شكراً ع المجهود الرائع

[علي عمااد]

شكرا