والدة تنعى ولدها
شفته كَدامي مـــــــشه وبيه انتـــــخيت
كَتــــــله يايـــــمه انتــــــــــظر تانــيني
ومن شفت طوله وضحكته شكَد بجيت
ونزلت دموعي جــــــمر تجــــــــويني
عـــــاتبيه وكَـــــتله اذكرك لو نســيت
ســـــــهري كلـــــه بكل ليالي اسنيني
ارد اســــأل من بـــــعد حضني غفيت
وبحـــــــضن كَبـــــرك نمت ناــسيني
كَــــــوم رجــــــعلي دلالي البي ربيت
يــــــمه بفــــــراكَـــــــك علي تاذيـني
يمـــــه وتــــراب الكَبر صاير غطاك
ليــــــش مو جانـــت غطاك احضاني
يمــــــه ريت ارويحتي ادفنهه وراك
هيــــــج كلـــــبك طاوعـــــك تنساني
جنــت اناطر فرحـك وعرسك شجاك
تعـوف كَــــــلب امك تزيد احـــزاني
وســفه ملـك الموت من عندي خذاك
قـــــــفل امــــــالي وهـــــدم بنــيانـي
يتمـــــــت كلـــب امـك العمره هواك
ومـــــا كَـــــلت تشــبع قـهر خــواني
منقول
رد مع اقتباس
