الشاعره شهد المعموري
مـــــــــــع
الشاعر عبد الله الابراهيمي
الشاعره شهد المعموري
انه الوحيده وعليتي ...... اشررح حزنهه بدمعتي
حيرانه ونجوم السهر ..... هيجت يخويه جمرتي
..............................
الشاعر عبد الله الابراهيمي
ياما سهرت ويه نجم واحسب ايام ...... تتخيل بعيني صور ماتكدر تنام
ليلي اشد مدري دمع بعيون الايتام ..... كلبي انمرد مابيه بعد يتحمل اسهام
يلتقره تلكه بدمعتي .... صوره مناحر اخوتي
حيرانه ونجوم السهر ....هيجت يخويه جمرتي
...................................
الشاعره شهد المعموري
يم النهر كلبي النزرع بجروفه الدامي ...... شفت النهر يم النهر وجبد ضامي
طاح الكلب يزحفله يوصله سلامي ...... بعد السلام ارجع يخويه للخدر حامي
ترضاهه اظل بلا خدر ..... كلبي يخويه جمر
حيرانه ونجوم السهر .... هيجت جمرتي
...........................
الشاعر عبد الله الابراهيمي
انهض يخويه طول غيابك عليه ..... هاك ايدي كوم من النهر خويه بديه
بس عين ظلت يمك تربي ليه...... ادكوم ادري بلا جسد عندك حميه
ياكافل الروح شبعدك ..... أمر الله وصبر على الوعد
حيرانه ونجوم السهر ..... هيجت جمرتي
............................
الشاعره شهد المعموري
عفتك يخويه غصبن عليه ومشيت ..... كل دمعه الاجن بلجفن بيه لكيتك
يتمايل الرمح عرفت هاي حميتك .... يهتز لون بأسمك صحت لومن بجيتك
يخويه جم مجلس فتت ..... كلما اصدلك جن متت
حيرانه ونجوم السهر ...هيجت جمرتي
**************************
رد مع اقتباس
المشاركة الأصلية كتبت بواسطة تقوى ألقلوب
