اشتهيتك انت يا اخر طعم ضل ابلهاتي
اشتهيتك انت يا اخر طعم ضل ابلهاتي
انته يمرافجني حتى من أدعي أبصلاتي
يالله وينك خلي أضوكنك حلال
خلني اصعد أحوي ومليها السلال
ارد اشعلل كل مسامة البلجسم
وارد ايرن حيل ثغر المبتسم
كون اصب روحين من روحي عليك
وكون شاهودي ايتكطع بين اديك
كافي اضلن خيط سبحة انكطع وانذب ابدرب
وكافي كل مرة تجيني ابخرز ما بيهن ثقب
رايد اتلحف اديك واغفه بين احضانهن
رايدك جن وتلبس بيه ما ريدك نبي
هيج كون اتخوطني اتسكرني حيل
هيج كون أهذي ولا فرزن حجي
وكون اشوف ابعيني بس انت تجي
حتى اذوبن ونخرط يمك عثك
حتى اسرفنلك وچوچي بحضانك خلك
النار هدئت بس تعال الهيل ما ريده الك
الشبع برغيف خبزه يعيش كل عمره ملك
فطنت ناسي الجنت بحلوكهم سالوفه خير
والغصن يختاظ لو ما يمه طير
المات أعمى لازم انشيعه ابشمس
الفاكد ابنه ايموت لو كتله اشتهس
والجرف ترس اذنه ماي وبعده كاع
والسفن كضت عمرها عايشة ابخت الشراع
فرني يا دولاب لعبني أشتهيتك
فرني كطعني أحبنها أذيتك
ابهيده سولفلي سوالف مالحه
يالله طش ضنوني خلهن سارحه
الفلح بالليل تحسب ما تنام
تغبش المحصولها ابرفة حمام
وانه شبه أنسان سلبوها حياته
النحل يتعب لـچن مبيوكه حلاته
نور الشرع
رد مع اقتباس
