جرحت مشاعره ولكن من دون قصد
بسم الله الرحمن الرحيم
تبدأ قصتي هذه في سنة 2013 مع بداية العام الدراسي
كانت مرحله انتقاليه بحياتي من المتوسطه الى الاعداديه
كنت بعدني جديد على الاصدقاء والتقارب وهلسوالف لان كنت مكرس المدرسه بس للدراسه
المهم بعد اول اسبوع من المدرسه بدت تظهر عليه اعراض المرض
مما تسبب بقلة دوامي وكنت كل اسبوع اروح لبغداد :(
ابويه ياخذني للدكتور كنت اعاني من اعراض خفيفه لمرض ما كان ببالي اني حنصاب بيه ثم تطور الامر
لكثرة انشغالي عن المدرسه بسبب كثرة النوم والاطباء
الامتحانات هواي عندي تأجلت لحد ما اجاني خبر من ولد اني لازم امتحن لان اقتربت نصف السنه
وبعد مرور دوام متقطع لمدة شهرين رجعت بشهر الواحد للمدرسه ولكن قبل هذا
كنت مراجع الدكتور ومريض
ورجعت علمود الامتحان وكان فيزياء
وكنت متحطم لان فكرت اني حموت وما راح اتعالج
وبهذاك اليوم المدرس كال الي روح
جيب ولد اسمه مصطاف من شعبة (ج)
واني كنت بشعبة (أ) فما كنت اعرفه
المهم رحت وسئلت عنه وجبته للولد
وكان ضعيف البُـنيه وشكله غريب
المهم المدرس كال راح اسويلكم اسئله انتظروا خارج قاعة الفيزياء
وبدأنا اني ومصطاف نتكلم
وسئلني عن اسمي وشنو سبب تأجيل امتحاناتي الشهريه
وجاوبته بس ما كلتله شيء بس مريض
المهم كتله اعاني من هيج اعراض وكنت خجلان من الاعراض
وما كتله اسم المرض عود صرت ذكي
وجان يكولي بيك سرطان ..
واني رديته بشكل سريع وكتله
الله يبعدني بيش طالبني شكد متفائل انته من هيج تكول
...والصدمه صارت بعد مرور وقت قصير
عرفت بأنه مصاب بمرض السرطان
بهذيج اللحظه ردت افقد الوعي لان هو بيه سرطان
ونفس الاعراض عندي بس الاختلاف هو المرض عنده ومتأكدين منه وهو ديتعالج
بعد حديث طويل واني حزين كولش مو على نفسي وانما على مصطاف
بعد ما كملنه الامتحان
ورجعت للبيت هم رحنه وهم رجعت اسوي فحوصات وقبل الامتحانات ابويه غير الدكتور
والمفاجئه كالي الدكتور
اني ما بيه سرطان واني اعاني من مرض اقل منه بس هم مو هين
المهم المرض يتعالج
بهذيج اللحظه ردت اروح للدكتور الاول واشنقه
لان خلاني افقد الامل بلحياة
وبعد مرور وقت طويل وبعد انتهاء العام
اجتني صدمه وهي
صديقي مات الله يرحمه ويدخله فسيح جناته
كان اخر يومين من الامتحانات ديمتحن ويانه ومأجل العلاج مالته
وبعد استلام النتائج بأيام مات
اثر المرض
الله يرحمه ويدخله فسيح جناته
الحزين عليه (لان مات وهو صغير وهم لان اني جرحته ورديته بسرعه وهو كان مصاب بلمرض )
الله يرحمه
فيديو من الفيس بوك
مع ودي وتقديري
رد مع اقتباس
المشاركة الأصلية كتبت بواسطة مشاعر بريئه
