هنا

[الشاعر سيد كاظم الشرع]

((((((((العشق ألإلهي))))))))

=========@@@@=========

ينشدني السفيه شبيك ماتهجع=سهران وتون وتسجب المدمع
أصورمريض تلوج مامرتاح=كلي شبيك ليش مفارج المضجع

كتله عاشك ولهان بل معشوك=هـم شفـت اليحب بالنوم يـتمتع

تعجب كال هم أنت تحب يفلان=بهـوه الحلوات متورط ومتولع

عمرك واصل الستين يامسكين=والمفروض بيك تكون متورع

كتله لا تروح بعيــــــد لا والله =عشكي مومثل ما أنت تتوقـــع
عشكي مو عشـــــــك نزوات =عشكي من الكلب ياعاذلي ينبع
عشكي عن درايه معرفه ويمان=معشوكي الإله الخالق المبدع

واليعشك الربه هم عليه منكود=بـس هذا لعشك لليفتهم ينـفع
وبديهي ليعشك ألله يعشك المختار=وليعشك محمديعشك الأنزع

========

كال تحب محمدهذا شي معقول=ليش تحب علي وضحلي المرجع

كتله هاي سهله ماكوكل شكال=بس صبرك عليه أصغيلي وأسمع

علي نفس النبي في محكم الآيات=آيات التباهل أجت بي تصــدع

صدكني القضية مو قضية أهواء=أجبرني الدليل وما سمح أرجع

دورت المنابــع ما لكيــــة الزين=اليطفي نار كلبي يسكن الموجـع

كل منبع ظوكه طعمه ما مقبـول=مالح لوشري لونتن مسـتـنقــــع

بس منبع محمد يروي العطشان=صافي وسلسبيل بكل وكت مُترع
أذن حبنه العلي موهوس لاأطماع =حبنه من الجليل الباري مشرع

يأخذنه الدليل بقوته يجرنـــــــــه =يدلينـــه على الجيد مـن المنبــع

هل منبع عذب ما ينخبط مايـــه=زلال الماي من لون البياض أنصع
تعمه عينه اليعوف الزين ويدور=أمتـاهـات الضلال أيروح يسكـــع

أكله الدرب هذا يكـــــــول لا ذاك=يصم أذنه بأصبعه يريد ما يسمع

يخايب أمشي آني وياك للتاريخ=نتحـــره الحقيقة وللصدك نســمع

نشوف جداد ربعـك المن يردون=ولمن ينتسب يمتنه يا منبـــــــــع

يمتنه عرب سادات هــاي الدار=نبي إبراهيم جدهم بالفضل يلمــع

عبـد المطلب جدهم رفيع الشأن=أبو سفيان كلي أليا بطـن يرجــــع
لوّكتلي بني هاشم ظلمت الناس=جانبت الحقيقة وزورت واقــــــــع
أميه عدبني هاشم عبد مملوك=عبد رومي الأصل مويعربي المشلع
إذا عندك بعد يا عاذلي أشكال =روح نشــد مـــــن التاريخ وستطلع
قصي جد بني هاشم مايريد شهود=بفضله وحنكته لشتاتكم جمـــع
وبهذا الحدث متواترة ألأخـبـــــار=حتى صار اسمه بالعرب مجمع
هاشم جدهم المعروف يوم الجوع=الجوعان يمه يوصـــــل ويشبع
عبد المطلب جدهم سيد البطحاء=ما يحتاج نبحث عنَه نستـــطلـــع
تكفي دعــوته يـوم أبره والفيل=تقبـله ألإله القـــــــــــادر المبـــدع
أرسل على الجيش حجارمن سجيل=جعلتهم عصف مأكول ماينفـع

======@@@@======

النبع الصافي

المقطع الثاني=إيمان أبو طالب (ع)

تعال نروح للتاريخ آني وياك=ننشد عن ابو طالب ونستطلــــــــــــع

خل ندرس أبو طالب رفيع الشأن=أبو طالب على العـلياء متربـــــــع
نعم جان الرجل ما يظهر الإيمان=مثل مـؤمن بني فرعون أخو يوشع
راجع شعر أبو طالب ودقـق بيه=تشوف إيمانه واضح كالبدر يسطع
(أنا وجدنا محمد نبيا كموسى=خُط فـــي كتب السماء أجمــــــــــــع)
يوم المات بان الحزن عل مختار=الحزن والهلــــــــع خيم على ألبلقع
نزل وحي الله جبـرائيل ولأملاك=تعزي المصطفى بالحادث المفجـــــع
بعد التعزية أخبر أبـــو الزهراء=مـــــن مكة الشريفة بالعجل أطلــــع
راح الجان ينصرمبدئ التوحـيد=هاجر مـــــــــــا بقالك ناصر ومفزع
أليوصفه الباري الجباربالناصر=هم معقوله بالإســلام مـا يقنـــــــــع
=============

أذا عندك بعد إشكال بالموضــــوع=روح وناشد التاريخ منه أسمـــــــع
روح من الشعب وستطلع الأخبــار=يطيــك الجواب الشــافي المقـنـــــع
ثلث سنين أبـــو طالب بكه محتــار=يداور بالنبــي من موضع المـوضع
يخاف يرصده أبو سفيان وذنابـه=وسهـــام الشرك بالمصطفى توكـــــع
ضحه أربعه أولاده أبات الضيـم=ضحه براحتـــــــــــــه والجاه والموقع
ساعه ينام بمجانه علي الكــرار=ساعه أيحط عقيل بداره بالمضجــــــع
أذن إيمانه واضح ماعليه أغـبـــار=لجن أهـل الحقــد بالمصلح تشنــــع
لوّتنشد تكلي ليش هــــل التكفير=ضــــد هذا الرجل كل يوم يتوســـــــع
أكلك هل أمرمكشوف للأعـيـان=لأن أبنـه علي لروس الشرك كطـــــــع
لون أبنه أبن أبو سفيـــــان=جا صار الرجل سيد العـرب أجمــــــــــــع
محض إيمان أبوطالب بلا إشكال=وبيوم الحشر للناصره يشفــــــــــــع
وبيوم الحشر للناصره يشفع

===========@@@@=============
النبع الصافي

المقطع ألثالث( شجاعة الأمام علي (ع)

لو نفرض ابو بكرك صدك بالغار=مهاجر وي نبينه المصطفى ألأروع

يعاذل راجع القــرآن وســـتفسـر=ياهوّ الجان خايف كلبـه متـــروع
صاحبكم بوسط الغارجان أيخاف=الحرك باب الوديعه جان مستسبـع
حيدر نام بفــراش النبي مرتاح=ويدري أهل الحقدعل مصطفى تفزع
نــام المرتضى ليله قرير العيـن=تقّبـله المهمـــه برغبة متطــــــوع
ماهاب الخطروسيوف أبوسفيان=وافــق بالمنية على الحتـــف وقع
ساعة ولن أبو سفيــان وأزلامه=على جتـل النبي متـلهف ومسـرع
فاجئهم علي نايم بصحن الــدار=بفـراش النبــــي وبردته ملــفـــــع
ردوا خاب مسعاهم ومذعورين=خططهم فشلة بفضل الوصي الأنزع
بذاك اليوم عرفوّا راية الإســلام=بجفوف الوصي لابـــد وأن ترفـــع
لذالك ثـارت الإضغان والأحقـــاد=ضد المـرتضى وآل النبـي أجمـــــع
بعد خل نسأل التاريـخ يالعــــاذل=ويـن أيحط علي بيا خانه تتـــــوقـع
يكدر ينجر أقــوال النبي المختار=يـــــوم الخندق بحيدر علي تصــدع
برز كل الأيمـان بساحة المـدان=وبرزتله ألضلاله والشرك أجمـــــــع

ضربت حيدرالعمرابن ود اليـوم=تعادل ما عــبد كل الخلق ورفــــــــع

روح أنشد الخيبر وسمع الأخبار=تطيك الجـــــــــواب الشافي المقـنـع
الخطر حوض على الأصحـــــاب=ولا واحـــد كـدر للحصن يستطلــع
من شاف ألنبي اصحابه متخوفين=عرف بس الوصي الباب الحصن يقلع
كال المصطفى باجر بعــــون الله=أطي رايـــتي الكــــــــرار مـــا يرجــع
خويشن في سبيل الله بالـيدان=بالمحـراب راهـب للصبــح يتبتل يركع
ويحبني وأحبه ويحب رب الكون=ويحبــــه الإله الخـــالق المبـــــــــــدع
بصلاة الفجر صاح النبي المختار=ياهو من الصحابـــــه اليوم يتــبــــرع

أحجموا عن النبي محد يرد جواب=ياهو يجاري مرحب للحرب يطلــــــــع
نهض حامي الحمه ينادي ألف لبيك=آني إلــــــه يبــو الـــزهـــراء مطـوع
مـع أن الوصي جان أرمـــد العينين=وعيــونه ألشـــريفـه مــن الألم تدمـع
أكحله النبي بريجه وشفت بالحـــال=نزل للمعركة نـــــــــور الوجه يسطـع
حمل راية محمد وتجـه للبـــــــــاب=قلع باب الحصن مثل البرق وســــرع
كلهم شاهدوّا حيدر بـذاك اليـــــــوم=حتـي بالحـرب سيـــــفه بعـدل يكطــع
لاجن الطمع أعمى قلوب النــــــاس=لأنه بالكــــــــــــــراسي والحكم تطمع

=======@@@@=======

(((((((((النبع الصافي=المقطع الرابع=بيعةالغدير)))))))))

يل تشكل علينه أبيعــــــــة الكـــــرار=جاوبنه بدليل الواضح المقنــــــــع
أذا عندك مثل حيدر أرشدنه عليـــــه=أحنه وي الدليل بيــا كتــــر نتـبــع
ما عدنه بغض لفلانه لولفـــــــــــلان=ولاعدن� � كرب وي الوصـي الأنزع
غايتنه رضا الرحمان والمخــــتار=ندوّرعن شخص يوم الحشريشفع
تعال أنروح آني وياك يالعــــــاذل=نصل ماي الغدير ومنه نســتطــلع
طبع الماي ما ينحاز ألك معلـــوم=يمـر بكل أرض وعليـه يتـــــوزع
يروي للجبل والسهــل حتى الهور=ما يقـتـصرعل تـزرع وما تــزرع
الماي يكول يلهمك تعرف شصــار=هاك أسـمــع خبر موّثوق وموّقـع
في ذروت الحروزمهريرالصــيف=نزل عـندي النبي والمسلمين أجمع
بهل لحضه نزل وحـي الله جبرائيل=مـــــــــن رب السماء القادر المبدع
بلغ يا رســول الله الأمر للنـــــاس=بعكس هذا الأمر عهد الجهـل يرجع
ترد تعكف الوادم تعبد الأصنــــــام=هبـــل وللات فوك البيت تتربــــــــع

طاع أمر ألجليل ونفذ المختــــــار=صاح بصوت عالي وصل كل مسمع
رسول ألله للعالـــــــــم أجيت آنـي=ومن بعدي علي قائـد الهل مجمـــــع
أللهم والي من يوالي حيدرالكرار=عادي من يُعادي المــــرتضى الأنزع
تمت بيعت الكرار بالإجمــــــــاع =النبـي أول مبـايع للوصي وقــــــــــع
جميع الناس قبلوّا داحـي البيبان=وشخصيته عـمـر بالتهنئة أســــــرع
معروفــــه جلمته الكاله بنفســـه=بــخاً بـخ ألك يـا ســيدي المـوقـــــــع
أميري أصبحت هليوم يابوحسين=وميــر المـؤمنيــن وللبشر أجــــــمع
لاجن المثل مضروب بين الناس=الوبرناعم متيـن وصعب يتكـطــــــــع
الركطه بالشكل حلوه وجلد لمــاع=لـجـن ســم ألمنايه بنابـــــــه يلســع
((((نعم سم المنايه بنابه يلسع))))

======@@@@=======
(((((النبع الصافي=المقطع الخامس=مرض الرسول( ص)والوصيه))))))


تعال نـــــــــــــروح آني وياك يالعاذل=لصـحاحك السته منه نســـتطلع
نترك للمفيد وللكليني ونقبل ألإصحاح=مسلم والبخاري شـيخـك الألمع
هل ينجر أمــر طـــه النبي المختــــــار=والغزوة أُسامــه النبـي ما شرّع
أثبته الرجـل ما جـــــانب الوجـــــــدان=كال بكل جهــوده المصطفى فــزّع
رسم غـزوت أسامه وصدرالمرســــوم=لاجـن البـعض منهم رفـض يـــع
كالوّا ما نـروح ونــتــرك المخــتــــــار=وحــده يكابـد الآلام متــــــوجــع
مـن ينجر حديث النبي لمــــــــن كال=ملعـون الرفـــــض للغزو ما يطلع
مو حب بالنبي مـــــا قبلوّا يطلعـون=السبب يخشون حيدر يحتل الموقع
النبي من أيس من الناس ميطلعون=كال أكتب وصيه توحد وتجـــــــمع
حظرولي دواة وكاتـب وقرطـــــاس=أريـــد اكتب وصيه للبشـــر تنفـــع
بعـد هـاي ألوصيه ما يظِـــل واحـد=بـيارغـكـم تظل بكل وكـت ترفــــــع
البعــض وافـق يلبي رغبة المختـار=وبعضهـم كال بعد الحجي مـاينفع
النبي من شدت آلامه ونزاع الموت=يهجـر والألم مايــنحمل يـــــوجع
عمرنفسه الحجاهه بعظمــة لسانه=والزنديق حاضر للحدث يسمــــع
صارت مضرب الأمثال هل جلمـــه=ماعادت خفــيه كل شمس تسطــع
بعد هذا الحدث كال ألهم المخـــتار=بعـد ما ريـد منعـدكم حجي أسمــع
طردهم واليطرده النبي بالتأكيـــــد= حتى رحمة الله وياه ماتنفـــــــــع
بعده النبي استدعه علي الكــــرار=أخبر حيدر بكل العليه يوكـــــــــــع
أبابك تــشعـل النـيران هاي الكوم=للزهره الزجيه تـكسر ألأضـلـــــــع
وبعينك تـشــاهــد كنفـذ الملعــون=لمــــتون الوديعه الطـاهـره يلـــوع
أصبــر يا عـلي لـتـجـــرد الفــقار=خل ســيفك يحامي الجار بالمخــدع
عـّليهـم من تجردالسيف فتنه تصير=وترد اللات وســط البيــت تتـربع
مع أدراج الرياح تروح أتعابـــــــي=وتعابك يبـو الحملات تتضــيـــــع
لذلك صارأبوالحسنين بيــن أمــرين=ما بين الوصية وبيـن أن يفــــزع
لوّ خالف الهـــادي يخالف الرحمـان=لوّ نـفـذ وصيته ألبضــــعه تتروع
يعايـن فاطمة يلوعه ذاك الســــــوط=لاجنه صبـر واحتسب وسـترجــع
ضحه المرتضى بحكه الحفاظ الدين=ضحه بفاطمة ومحسنه والأضــلع
لـزم حبل ألوصيه وصبرعل آهات=حافظ على الدين أيخافه يتصـــدع
أذن ملعون كلمن يبغض الكرار=على اللسان النبي موأحنه الذي نشرع

=========@@@@========

(((النبع الصافي القطع السادس(استشهاد الرسول (ص)وهجوم الدار)))

تعال نروح آني وياك يـــــــامغفول=من الســـوباط نستفسر ونستطلع
بعد موت النبي بســـاعات معدودة=والأصحـاب صارت تطرح وتجمع
بتجهيز النبي مشغول أبوالحملات=وبـني هاشــم تشيع نعشــه وتودع
وربعك بالسقيفه تآمروا عل الدين=وتـــّنصب خليفة واحتل المـــــوقع
ياريت الأمــر ظل على هذا الحـــال=والقصة انتهت صار ألأمــــر واقع

بس تخيل الكرسي وخليفـه صار=على أمر الهجـــــــوم بلا خجل وقع

ويدري الدار هايه مهبط ألأمــــلاك=جبريل الوحي صبح وعصر يركع
ويدري البيت هـــذا علت التكوين=لـوله البيت هــذا الشمس ماتطلـــع
لـــــوله البيت هذا ألفلك ما يندار=يظل الكــون مظــلم نور ما يسطــــع
لولــــه البيت هذا ما جرت أنهار=وتبقى الأرض غبره ولا نبت يــزرع
لوله البيت هـذا ما يطيب العيش=ونـرد ناكل القـــد وأبـــد ما نشبــــــع
يدري بفاطمة محتميه خلف الباب=لاجنه تعمد يكسّـــــــــــــر الأضلـــع
صدره صوبه البسمار الف ياحيف=محسـن عل وطيه من الضغط يوكع
لون محسن عـدل كلي يهل العاذل=محســـــن بـيش يتغذه وبعد يرضـع

أدريبك تكـتلي هل ألأمرمـــا صـــار=لا واحــد هــــــــجم لا نارلا أضلع
لون هذا الحدث بالفعـل حادث جان=هـل يُعقل علي للزهره مـــــا يفزع
نعـــم آني اتـــفــق وياك مــا خالف=محّد يــوصل الكـرار لـــــــو أدرع
اليـفرمن سيف أبوالحملات ماينلام=تـعـتـبره العـرب من الثبت أشجــع
لاجـــن بالوصيــه مجتـــف الكــرار=عـن أم الحسـن وحسيــن مـا دافع
لون مجرد الفقار ذاك اليــــــــــــوم=هبل واللات فوك البيت تتربـــــــع
ضحه بحكه لجل الدين ابـوالحسنين=مـن يوصل الصبر المرتضى الأنزع

========@@@@========

(((((النبع الصافي المقطع السابع =مطالبة الزهراء بالميراث))))))
(وستشهادها عليها السلام)
========

ياريت الخليفه أكتفه بحرك الـــدار=وبعصر الزجيه وكسرت ألأضلع
ياريت أكتفه محسن سكط عل كاع=ياريت الخليفه يهدئ ويقنــــــــع
طلعت فاطمه أطالبهم أبمـــــــيراث=راحــت للخليفـه تـــــــريد تشفع
كال إله أريد شهـــود للدعــــــــــوه=تثبت دعوتج وبمحضـري توقع
ما يعرف الزهره بت نبي الإسلام=زجيه وصادقــــه السرلله مستودع

لاجن الطمع موت ضمير الناس= وتاج المملكه بالدرر مترصـــــــــع

يازهراء يا أم الحسن وحسيــــــن=تحت اسم التدين جان يتبركـــــع
جابت أم أيمن والوصي الكــــرار=والحسنيـن واحـدهم بدر يسطـــع
كال ألها ألخليفة علي ما مقبــول=علي يسحب النارالكرصته يطمــع
أم أيمن أعجمـــيه والولد أطفــال=شهادة من الطفل ما تنقبل ترجـع
نعم جان الرجل ما يينغلب فنـــان=أغلق النهر مــــن أصلــه ولأفرع
خاف يثبت الميراث للزهــره=ترد أتطالب بحك الوصـــــــــي ألأنزع

============
ردت فاطمة بالحـــــسرة والآهات=وعيون ألوديعه من الهضم تدمع
كالوا ياعلي الزهـــــــراء آذتـــنه=ليل أنهــار تبجي ألزهره مات هجع
خل تـنـــوح لو بالليل لـو بنهــار=نــريــــد أنام بالأحـــلام نتمتــــــع
جبروا فاطمة تطلع بحـرالصـيف=ويدرون الوديعه أمكسـرة ألأضلع
عليله وما تحمل الشمس واليهوب=وشمس ألباديه تعرفونــه تصكع
ضطرت فاطمه تسكن فيافي البيــد=صارت مجبـره بحرالشمس تطلع
لن شجرة سدرموجوده بالصحراء=استظلت فاطمة بفيه تهل مدمـــع
آمر زمرته تطـــــلــــع بتالي الليل=للشجرة هذيج بفوســــــه تكـطــع
من حظرت منيته استدعت الكرار=كالتــله يــــداحـي البـــاب يالأنـزع
ماريـــد الغصــــب نحلتــي وآذاني=يحـظردفـنـتي ولجنازتي أيشيــــع
لذالك ياعـلي أوصيك يابو حسين=بسواد الليل أريـدك بالنعـــش تطلع
ماتت فاطمة بحسره وحـزن وألام=ولحــد أليوم كبر الزاجيه أمضيـع
========@@@@========

النبع الصافي=المقطع الثامن=عدالة ألإمام علي وشهادته (ع)


يعاذل لا تظل تحجي بلا وجــــــدان=وتهرج على الطيبين وتشــنع
شكثر حكام بسم الدين ولإســــــلام=وصلت للحكم ماجانت تـــورع
همه تقتل وتدفن بشـــر عدلــــــين=شبان وشيوخ وتذبح الرضـــع
وتجوُع الشعب مومُهم خل يموت=المُهم بس الكراسي بيه تتمـتـــع
وحين الحكم داحي الباب بالكوفه=روح أنشد من التاريخ وستطلـــع
أنشد حتى من خالف على بالراي=يكول العدل واضح عدعلي يسطع
طلب منه عقيل أيميزه عن الناس=عقيل أعمى بوقته وحقــه يتمتـع
أحماله الحديــــــــــــــد وقربَ منه=حين الحس عقيل بناره التلـســع
سحب أيده عقيل وصاح واويلاه=يبن أمي أحركتني ليش يالأنـــــزع
كله النار هاي أحمــــــيته العبي=شجاك اتصايبت وتصّرخ وتجـــزع
مابالك بنارأسجره رب الكــــون=أحذر نار ربك لاتظل تطمـــــــــــمع
=================
من شاف المجدي يطلب من الناس=بغضب صـاح على ابن ابي رافع
كله ليش هذا يكون ماكـــو نصاف=أتعبتــــوا الرجل تالي يظل جايــع
كله سيدي هذا مسيحي الديـــــن=عاين ركبته وشوف الصليب أيشــع
كله لو فرضنه الرجل نصـــراني=لاجنه مواطن والوطن يشـــــفـــــــع
يعاذل جيب عادل مثل أبوالحسنين=وحنه البيعته بالسرعه نطــــــــوع
ماعدنه حقد لفلانه لو لفــــــــــلان=أحنه وي الدليل شـــما ثبت نتـــبع
لذالك أحنه شيعه الحـــيدر الكرار=نبكه بكل زمان بحب علـــي نصدع
تعال نروح ننشد دجة المحراب=ونتحره السبب عن مصــــرع ألأنزع
تكلك هل أمرمصنوع بالشامــات=بأيادي مجرمه بكرسي الحكم تطمع
المخطط للقضية عمر أبن العاص=وبن هند الحقير الهل أمر شـــــرع
المنفذ جان أبن ملجم سفيه الـراي=الحقاره من بن ملجم أنزه وأرفــع
نزل من السمه جبريل وينـــادي=ياوسفه على الكرارعكبه أيتام تجوع
وكع ركن الهدى والدين بالمحراب=يا حيف على حيدر بالدم ملفــــــــع

========@@@@=========

(النبع الصافي =المقطع التاسع=شهادة ألإمام الحسين ع)

بنفس ذاك السبب يتمرد الـــــدلال=وجبد المجتبى بسموم يتكطـَــــع
يوم ألشيعه المظلوم أبـــو السجاد=راد يـــــزورجـــده يعاهد يــودع
لفت أم البعيرتصيح بعله الصوت=ما حب الحسن يم بيتي يتشيـــــع
لفاهه ابن الطريد وزمرة الأشرار=يرمي أنبال سهمه بالنعش ترتـع
ثارت غيرت العباس ذاك اليـــــوم=من يسلم من ايده الحيد لو فـرع
طوقهم ابو فاضل بعد لحضــــــات=يحصدهم حصاد الروسهم يكطع
لاجن صبر ابوالسجاد فاق أيــوب=من يوصل الصبرحسين والأنزع
صاح حسين يا عباس نــورالعين=خل سيفك يخو جلثوم بالمخـــدع
سيفك مو محله اليوم يـــا عباس=سيفك بالطفوف بكربله يطلـــــــع
رد السيف ابوفاضل وجرحسرات=وروحه كادت من أحشائهُ تطلــع
مايكدريخالف مصدر التشريـــــع=ابوفاضل إربات المرتضى ألأنزع
يا صعلوك يكدريدنه يــــم عباس=إذا ما نبط عرج الهاشـمي وأدرع
لاجن ألأمرمحتــــــــوم ومقــــدر=عليه ابكربله جفينـــــــــــه تتكطع

========@@@@==========

((((((المقطع العاشر=شهادة ألأمام الحسين (ع)

يعاذل خل نروح أناشد التاريـــخ=شمسوي ذنب سبط النبـي ألأروع
غير سنه بالإسلام أبو الســـــجاد=لو بدل شريعه وغيره شــــــــــرّع
أبو اليمه طلع يطلب أصلاح الديـن=ماطالب خلافه وللحــــــــــكم يطمـع
من شاف الحكم أصبح بدين أيزيد=وأهداف الرساله أصبحت تتراجـــــع
قرر يفدي روحه العزة ألإســــلام=لأن شاف الإسلام أوصاله تتكطــــــع
قرر ثورته ضد الظلم والجــــــور=أعلن ثورته ضد الظـــــــــــــلم يطلـع
أخذخيرت أبناء المصطفى المختار=ويدري بكربله مكـتوبله المصـــــرع
يدري حسين باللطف ينذبح عطشان=ومن الماي عايلت النبي تـُمـــــــنع
يعرف شمر أبن جوشن يحز الراس=ويدري الراس فوك السمهري يرفع
ويعرف بالعلم فوك الشريعه أيطيح=وجفوف الكفيل من الزند تـُكـــــــطـع
يعرف حرمــله يرمي الطفل نشاب=وعلي ألأكبر على التربان يتـوزع
وجاسم زفته أسيوف ونبل ورماح=وكل اولاد هاشم بالحرب تصــــرع
ويدري بالخيم تتلاهب النيــــران=يدري أجلاف أميه على الحرم تفزع
بكل هذا الجره يعرف أبو السـجاد=يعرف هل أمر مــن السـمه أمشرع
شائت قدرت الباري أله الكــــــون=يشوف الحرم مسبيه وتهل مدمـــع
المصيبه الي تحز بنفوسنه لليوم=شلون على الهزل نسوان تتربـــــــع
ألحرمه بالسفر تحتاج للوليــــان=شلون يصير تمشي ويا لعده وتسمع
يتشتم أبوه علي داحي البــــــاب=إمام المؤمنين وللبشر أجمـــــــــــــع
لوله سيف حامي الجارماظل دين=ولا واحد بكه يتعّبد ويـــــــــــــــركع
مصايب كربله ما تنحسب بحسـاب=بس رب العـرش وحده الكدر يجمع

======@@@@======
المقطع الحادي عشر=وعد بلفور وضياع القدس الشريف)
======
من يوم الرحل سيدنه داحي الــباب=خيبر عادت أعلينه بشكل أبشـــــع
أريد أحجي الهموم الصابت ألإسلام=أريـد وي الملوك اتكلم وأوجــــــع
ولوّ أعرف ملوك الشـــــــــــــــر=موّقـ� �ـوره ألأذان وأبد ماتسمـــــع
مشغوله أمدام وكاس والمزمــــــــار=ببيوت الحكم وكت الصلاة يُقـــرع
ما دام العرش والكـرسي محميــــات=على شنهو الملك يتكلف ويفــــزع
خل القدس تتوزع أخماس أربــــــاع=خــــل أتروح قبلتنه ولا ترجـــــــع
واحدهم جبان وما يهمــــــه العــــار=ولو بنتـه بحضن ريكـان تـتـفـــرع
يهديله النفط صبحــه بطبق بلـــــور=على عتابه الفجركبل الصلاة يركع
من روس الملوك انشالت الغيــــــره=عبيد ولعــــد ســــادته تـتخضـــــع
تخاف تزعــل إسرائيل ومربكـــــا=تخــاف أنكلـــترا تسحب المرصــع
كل هذا العمل حب بكراســـيهم=وكراسيهم على ألأشــــــلاء تتربـع
خانــوا دينهـــم من وقعوّا بلفـــور=وفلسطين أصبحت أوصال تتقطــع
أبن سعـــــود هوّ الأسس التقسيــــم=فيصل بالعــــراق يوافقــه أوقـــــع
ماننسه ملك عمان يوم أيلول السـود=ســيفــــه لــــــركاب الأهل كطـــــع
ملوك الشام معروفيــــــن بالغدارات=ملكهـــم كل وكت راية كـــفر يرفــع
مــن يزيد وأجت هذي خيـــــــا نتهـم=لمــن ما راحت الجولان تـتـــــوزع
ما ننسه ملوك النيل والغــــــــــدرات=والمغـ� �ـــــرب ملكــه رافع ألأصبــع
بعد عدنه أنورالسادات خـــــان الدين=يـوم علــى الصلح والمهزلة وقــع
الملـــــــــوك أعلــــى ألعرش غافين=ما يدرون لاستكبارحيه بنابه تلسع
من تخاص مصالح ريكن وشاميـــر=يدوس أعلى الملوك بجزمه ويطلـع
وتارخ الدواعش مـــن زمان الفات=موش اليوم تصور دعش تطلــــــع

مراسيم أصدرت من الخليفه ذاك=تحت ضل السقيفه ألأمر يتوقــــــــــع

سيد كاظم الشرع

[كراسيفيا]

شكررااا

[حہٰسہٰوون سہےزر]

حلووو