خل عينك تهل احمر =لمصيبة موسى بن جعفر= بقلم سيد كاظم الشرع
خل عينك تهل احمر
=============
خل عينك تهل أحمر=المصيبة موسى بن جعفر
بألم وهموم= على المسموم
عزي المصـــطفى وحيدر
خل عينك تهــــــل أحمر
=======
يمسلم من تصل بغداد=إكصد موسى أبن جعفر
موسى قاضي الحاجات=ألذنوب بحضرته تـُــغفر
لا تسمع حجي ألإرهاب=مــــن التفجـــيرلا تحذر
أفرض لوُ حدث تفجـير=تربح جنـــه ما تخسـر
على الجنه تحل خطار=والمعـزب علي الكرار
يسجيك الـــوصي الكوثر
خل عينك تهـــــل أحمر
==========
موش أول مصيبــه هاي=على أل النبي ألأطهار
بدت من عصرت الزهره=ويوم الباب والبسمار
موش أول سجن هارون=كبله سجنوّا المختـار
أنشد شعب أبو طـالب=يخبرك بالجره والصار
أقروّا سجن أبو ألزهره=بهدف تجوع العتره
وبني سفــــيان تتأمر
خل عينك تسيل أحمر
==========
الكاظم بالمدينة جان=ويعيش بكنف جــده
مرجع جان للامـــــه=والتايــــه يجي يرشده
أرسل زمرته هارون=المقام المصطفى تحده
آمـــــر قايــد ألعسكر=الموسى الكاظم يقيـده
بحديد وجامعه قيدوه=للبصره الولي جابوه
أسير بهَـــــــمه يتعثر
خل عينك تهل أحمر
=========
بسجن عيسى أستقـر الحال=وعيسى يراقــب الحاله
ينظرله بظـــــــــــــلام الليل= يشوفه ساطــع إهلاله
يشوفه راكع وساجـــد=بــــدر ونواره تتــلاه
كتــب للطـــــاغيه هارون=بصلاح أفعالـــه وقواله
ليله قائم وسهران=نهاره صائم وعطشان
هذا حال بــــن جعفر
خل عينك تهل أحمر
============
سمع هارون بالسجان= على الكاظم يوسع الحــال
انزعج من هل الوضع هارون=وصاريخطط الدجال
خططله طريق الموت= يكتله بل سـَـــــــــم الجتـال
آمرهم يجي البـــــغداد= بيه يستقر آجـــــــــــــــال
بطاموره الرجس حطه =فعلا نجحت الخطه
لاجن مو علن بالسر
خل عينك تهل أحمر
=======
من ألبصره انتقل عل فـور=للــزوراء بيه أسجون
بسجن أبن الربيع هنـــاك=حليف الدين ظل مرهون
ألرشيد يراقبه بنفســـــــه=عليه يتجسس الملعــون
شاهد ثوب وســــط الدار=سئل شنهوالذي مركون
أجابه الفضل بالسرعة=هذا الكاظم وطبعه
راكع ســــــــــاجد يكبر
خل عينك تسيل أحمر
========
تحول من سجن مظلم=السجن أكثر ظلم وإرهاب
مايعـرف نهــار وليــــل=عليه مغلكـــــــه ألأبواب
والسجان بــــــن شاهك=نغل مدســوس بالأنساب
قرر ينتقم هـــــــــارون=مـــــن أل لنبي ألأطياب
وداله رطب مسموم=وكطع جبدة المظلوم
مات بسمـــــــه ويكبر
خل عينك تسيل أحمر
==========
وسافه بن النبي الختــــار=يشيعونه أربع حماميـــــل
ينادون بعـــــــلات الصوة=حتف أنفه كضه بالليــــــل
طبيب من النصـــــاره مار=نظـــــــرله بنظرة التحليل
عرف لن الرجل مســـموم=صـــــــــاح الويل كل الويل
وين أهل الجنازه وين=خله تنهض بهل حين
الدم هذا الرجل تثأر
خل عينك
=======
لاجن النتيجه ويـــــــن =حقـــق وأنظر بتفــكيــر
هارون بذخ وســـــراف=الكاظم عـــــــايش بتقتير
هارون بقصوره يعيش=موسى بكوخ سكفه حصير
شائت قــــدرة البـــاري=هذاك الكـوخ جــــنه يصير
قصر هارون=خرابه أيكون
كوخ الكاظم أمنــــــور
خل عينك تهــــل أحمر
خادم الحسين ع
رد مع اقتباس
