هنا

[عدي البابلي]

أضحك بالوجوه.. ابغير راحة بال
واصبر لو .. ليالي العسر ضكني
واكابر عالشدايد ... حد مصب العين
واسكت.. لو دثو من الناس لاسـٌــني
واسامح .. ما أبحــٌـر.. وين حد الغيض
وأزلف ..لو حوافي الزعل وازني
وينشدني صديجي ..المانشد عني
كـَـبل طبعك الونــٌـه ..وصاير اتغني؟
كـَبل عينك محطه .. وخاطرك مكسور
هسه اعله الثجاله.. اتفوت متحني؟
واجيبه ابكل برود .. وعودِتي ابسـنـُي
استراحت مستحاتي .. وعاكستني الريح
لاني من الهموم . ولاالهم مني
أنا ابن العاصيات .. من الليالي السود
لاريد الكـَـماري .. ولهن يردنـّي
ارضعتني امي ابدمعها .. من عرفت الصوت
وغطـّــتني بحزنها ... من مشت عني
خذت روحي اعله ضيمي ..وماشكيت الحال
او يمنــّـوني: اشتبي؟
وما كــَـلت: متمني
علـّمت البعض .. نكـَــل الجدم عالكـَــاع
وأول ما مشن.. بالزلكَ لبــّــني
اكــَول : اتغـّيرَت... والناس ماهي الناس
رضـّـاعة قواطي.. وخـّيبوا ظني ......
..........................

بلاية وداع

مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع

جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع

شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع

يا رخص العشك من ينشره وينباع

[فاينمن]

شکرا مقتطفات رائعه الشعر رائع للشاعر عریان السید خلف الذی اول ما یقول فیه ..اعز من روحی احسک وانته اعز منی یاحسبة عمر خاویتها امن اصبای بطلت صفنتی وما بطلت منی

[سحب عابره]

جميل

[جْــيْــكـــي'ۦ، 'ۦ]

[~تناهيد~]

جمييل جدااا

[عدي البابلي]

شكراااا حبايبي

[الاسمر العراقي]

وجــوه غـربـة تـنـفـسـت مـن مـر هـــواك
جـرحـي خــضر والــهـوه بـروحـي ذبـل
الـينـزل بـروحي شـمـس ماصـعـده غـيـم
غـيـر تـصـعـــد حـتــى اگـــللـهـم نــــزل

[علي الشمري]