هنا

[فقار الكرخي]

مـاكـو واحـد كـامـل لـربـنا الـكمال
الـمشكـله مـا تـدري بالحدبه الجمال
چـذب مـاكو انسان خالي من العيوب
مـــا اذم غــراب مـا امــدح غــزال
كـلنه نفس المـستـوى وهـاك الدليل
شـما علـيت ايصـير عالـكـاع الـخيال
نعـم بيـن الـوادم انـشـوف الـفروق
فـرق بـيـت الصـفنه عن بيت ارتجال
بـيـئـتـك تـربـيـتـك يـأثـرن عـلـيـك
أيـسـبـبـن بعـض الـتبـاين بالخصال
عـنـدي ناس اتفـكر اتنـاسب شريف
واكـو تعـوف الشـرف ودور الجمال
وعندي ناس أتبـوك من جيب الرسول
وعـندي ناس اتخاف حتى من الحلال
اثـگل شـما بـيك مـو زيـن الخفيف
الـريح لـو هـب يحـترم بـس الثكال
وسـأل الـملاح شـيـفـيـد الـشـراع
عـيـب مـا تـفتهم مـو عيـب السؤال
الوادي من يصبح جبل فد شي عظيم
والـجبـال ايـسكـتـن انـولـدن جبال
ولا تـسل السيف من تدخل مضيف
علـمونه الـسيف يـنـسل بـالقـتال
ولا تـرد فـرحـان فـايـز عـالـجـبان
نـازل الشـجـعان وخـسـر بالـنزال
العـنده سيـف مكابل يحارب شجاع
ومـو شـجـاع بـعـيـد رمـاي النبال
وصعب جرح السمعه ما يرهمله خيط
تـغـلط الـنـسـوان ونـذم الـرجـال
الكـاع تـاخذ ثـارهـا اطـم اليـموت
تنـخلق لـلـدوس والـذل ياهـو كال
اسـتحـي مـن الفقره لا تلبس جديد
راح ثـوبـك يفـضح اثيـاب الـسمـال
ولا تـشيـد قـصر يـم خيـمة فـقـير
وحـرمه عـاجـر لا تـراويها الـجهال
ولا تـبـوس أبـنـك اذا يـمـك يـتيـم
تـجـرح الـحـرمـان بـوسـات الـدلال
المهم كلبك شنهي مال وشنهي لون
المـسلـمـيـن هـواي ويـأذن بــلال
* … للشاعر حسين ألسيد نور … *

[وردتنا]

شكرا فقار فعلا ماكو كمال غير لربنا العظيم
كلماتك جميله واعجبتني
تقييمي

[عدي البابلي]

يسلمو على الحس المرهف بوركت

[محمد الدون]

يسلمو ..... :

[~تناهيد~]

رؤؤؤعه

[فقار الكرخي]

نورتو الموضوع

[ملكة قلبه]

عاشت ايدك

[علي الشمري]

اكثر من رائع

[فقار الكرخي]

نورتوني .