الله يداويالجرح
الله يـــــداوي جراح لي تنــــزف
ويشفي كل مريض يبات يعاني
هذا الوقت صعيب يصوط وينسف
وحليــــل القليـــــل ديمة براني
بين النــاس يشوف يذلل يشف
مكسور الجنحين ماهو زهواني
طاحت بيه ردلة ولا يخــــــــرف
ولي ينده ليه يقولو هــــــــاني
يمشي تحت حيط وعليه مجرف
صــابر للمحنات يبكي دخلاني
واحد ملهوف في غيرو يخطف
ما يشبع ويقول شوفو مقواني
واحد شيـــــخ كبير ومديه زف
راكب عالحمرة ويغني دنداني
وشيطــــان وراه يضربلو فدف
والغدارة ترقص ضدو بالعاني
ولي هوة صغير ماهوش ملف
يلعب بيه الموج يقولو هاني
رد مع اقتباس
