حركة والناس
فين لخيام وفينها هيا
كانت اهنا زينة سمية
كانت اللامة وكانت النية
را كانت الفرحة ف السروية
حركة والناس دايرين احساس
اهل لقبيلة لا بسين لباس
سبحان الله زينة لعراس
مرتاحة بالحب ديك لنفاس
وافين لمواسم للي كانت
اولاد فرج ياللي سارت
وافين لمواسم للي راحت
وافين الحركة وافين باتت
لاهجهوج يعطينا لخبار
صامت وعطانا بالادبار
ونغامو هربت من لوتار
فين اهل لعزايم والاخيار
موسمنا ياجديدة ينادي
من دون لقبايل فرادي
ما شموا بارود جدادي
ماقالوا نفرحوا ولادي
مانصبوا الخيمة واش نساو
ماحسوا بالموسم ودواو
مادبحوللقادمين وشواو
ماكرمو ماعرفووبغاو
رد مع اقتباس