هنا

[وسـام]

حسين الكرم كله ونبله
مطعون ابرمح صدره ونبله
بالطف اخبره الهادي ونبله
تحي الدين بدماك الزجيه
.......................
زينب هلبطوله الطف ظهرهه
مثلهه الارض ماحملت ظهرهه
ياوسفه الشمر ضارب ظهرهه
ابسوطه ويشتم ابحامي الحميه
دليلي ابغيبتك يحسين شالوه
وعقيق الجان يجري كبل شالوه
عكب مصرعك راسك ليش شالوه
على روس الرماح السمهريه
0000000
على الصيوان خيل الكوم هاجن
وخواتك من مرار الخوف هاجن
كوم انهض يبو السجاد هاجن
رباب وزينب وسكنه ورقيه
00000000
الشمر لختك يبو اليمه سبلها
وصاحت حين عالناكه سبلها
يخويه ياهو لجفوفك سبلها
وياهو الوسدك حدر الوطيه
الـــدهر شتـــت شـــملنه بالظعينه
ودلـــيــلي سيـــوف اميه بالظعينه
وســافه الــشــمر يحدي بالضعينه
وابـــو فــاضـل عــلى الغبره رميه

........................................
يـــبو الـــسـجاد گلي شصار وجره
أهــيّــس نــار حـــدر الظـلع وجره
يگـــلــها الطفـــل دمـه سال وجره
رضـــيــع وفــطــمته سـهام المنيه

........................................
ضمـــيري ابكعـــبة المحنه يطفلي
ومهجتي من تشـــب دمعي يطفلي
آنـــه امـــك واهـــز مهــدك يطفلي
نســـيـت امصـــوب ابـسهم المنيه
..................................................

وحك مسلم وحك هاني وطــوعـه
وفي لحسين أظل بآمره وطــوعه
كلبــي إشما أعذلـنـّـــه وطــوعــه
يكـلـّـي الطوع طوع إبن الزجيــّه
***
مصاب إحسين أبد بالكون ياجــــد
مشه إبدرب الشهاده وعرف ياجد
صاح بصوت فتني العطش ياجـــد
يراعي الحوض يالتسكي البريـــّه
***
نصبنه بكل كلب للحــــزن منبــــر
لبــو السجـــاد موخســـران منبــر
اليــريد الشفــاعــــه وذنب منبـــر
الشفاعه إحسين إبن سيد البريــّه
***
مثــــل لحسين أبد ألكـــه ولاجــــد
وسبحان الخلك شخصــه ولاجـــد
أمه الزهره أبو حيدر و لاجــــــــد
محمد سيــــــّد الكــــــل البــريــــّه
***
إعيوني إمن البجي ياناس كـفـّـــن
على اللي جاد دون حسين كفيـّـــن
إلك كفيــّــن يالعبـــــــاس كفـّـــــن
كفو مـنـّك يبـــن حامي الحميـــــّه
***
شبــل خلــّف علي الكرار عبــــــــاس
وضحك وجهـك يَكون وجان عبــّـاس
يا جف المراجــل زيد عــــب بــــاس

إنولد راعي الوفـــه وراعي الحميـــّه
.......................
الدارميات
.....................



نجدد ذكر عاشور نحيي الشعائر
بالفطره حب حسين مو خط دفاتر
،،،،،،،،،،،،،،،،،،،،،،،،، ،،،،،،
خالد يبو السجاد وبكل العصــــور
واشما تمر ايام نحييهه عاشــــور
،،،،،،،،،،،،،،،،،،،،،،،،، ،،،،،،،،،،
الشاله ابو السجاد ما شاله مخلوق
الدرب الشهاده يسير والتضحيه تفوق
،،،،،،،،،،،،،،،،،،،،،،،،، ،،،،،،،،،

لمصاب ابو السجاد نجريهه الدموع
وانذبولهه الروح دمعات الشمــــوع
،،،،،،،،،،،،،،،،،،،،،،،،، ،،،،،،،،،،،

هل الحزن بهلال شهرك يعاشور
والدمع دم بالعين للعترة منــــذور
،،،،،،،،،،،،،،،،،،،،،،،،، ،،،،،،،،
منقول

[ملاك96]

شكرا جزيلا لك...

[abas satar]

عاشت الايادي

[ابوعلي923]

[ السلام على من غسله دمه ونسج الريح أكفانه والتراب الذاري كافوره والقنا الخطي نعشه

وفي قلب من والاه قبره السلام على الجسم السليب السلام على الشيب الخضيب السلام على

المحزوز راسه من القفا السلام على مسلوب العمامة والرداء السلام على الحسين وعلى

اولاد الحسين وعلى نساء الحسين وعلى أصحاب الحسين(ع)

احسنتم وبارك الله بكم ابيات في قمة الروعة وحزينة

[احمدالبغدادي]

شكرا على الاختيار

[كتلونيــه كشخــة]

روِوِوِوِوِوِوِوِعٌهِ

[لا تلوموني بحبهم الملكي]

احسنتم خدام الحسين الله يحفظكم بحق محمد وال محمد

[لا تلوموني بحبهم الملكي]

روعاتج اختي بس الاسم مو حلو كتلونيه

[لا تلوموني بحبهم الملكي]

متى تنهض يبو صالح ولاكثر
وانشوف عج خيلك والاكثر
تطالب ابثار حسين والاكثر
بثار حسين والزهره الزجيه