هاك أخذ صيحتي=من جفوني خوتي
لا خدر لا خيم=بويه ضاعت قيم
من جفوني أخوتي
----------------
بويه عكب ألأهل=سايله دمعتي
مني راح ألأمل=ونطفت شمعـتي
بويه جابو هزل=حايره برجـــبتي
راحوا أهل الشيم=من يرجب الحرم
من جفوني أخوتي
------------------
بويه ياحيدره=أسمع ألـّي جره
أخيام متسعره=والحرم حايره
أطفال متذعره=والعده جائره
أيتام متوحده=للأهل فاجده
من جفوني أخوتي
------------------
حسين شبل الطـُهر=نايم على الثره
بعيني شفة الشمر=يكـطع المنحره
صيف بويه وظهر=والشمس تصهره
الشمس مجرمم=والعده ظالمه
من جفوني أخوتي
-------------------
بويه راعي العلـــم=نايم على النـــــهر
جفوفه متكطــــــــعه=بعينه صابه القدر
خلاف حامي الظعن=بويه صرنه بخطر
جيوش متلملمه=علينه متحاشمه
من جفوني أخوتي
------------------
بويه جارالدهر=بينه خان وغدر
بويه شفنه علي=جسمه صايروذر
هذا شبل الحسن=حنته مــن النحر
والطفل بالمــــهد=صابه سهم القدر
مني حيلي نهدم=عليه زاد ألألم
من جفـــــــوني أخوتي
----------------------
جسمي بويه نحل=من الشدد بايده
يتام عندي ونسه=من الفزع شارده
من يصبرالحرم=للأهل فاجــــــــــده
خلاف راعي العلم=سجاد بويه نهضم
من جفونــــــــــي أخوتي
-----------------------
بويه ليل هدعش=مظلم بهل مسه
عدنه ماضل ولي=بس يتامه ونـسه
بويه ضاع الخدر=من غفه حــارسه
بويه شفنه القهر= بويه من الشمر
من جفــــــــوني أخوتي
-------------------
وين فارس بدر=صاحب المرجله
بويه لا تعتــــذر= اعتني الكربلــه
بويه جتفوّا علي=بجامعه وسلسله
بويه سلبوحرم=بويه حركوا خيم
من جفونـــــــــــي أخوتي
-----------------------
سيد كاظم الشرع الموسوي
رد مع اقتباس