----(بين المجاب والمذبح )
-------------------------------
يبــو نــــور المنـــاره البلعـــرش يســـبح
صـــح ماصـــح شعــر بس بضـريحك صح
منابـــر تشهد بحقــك يـبـــو السجـــــاد
وجـــذاب اليكـــول الشعـــر قـل اوشـــح
لــويــت اذن القـصـيــده وجيت الك عنـاي
وكلــت اكـتــب شعر بلـكي بسطر افلـح
على احــروفـــك نــزل حـبر القلم دمعات
وحتـى القـلــم صلــى وهلـهل وسبـــح
لان وصـفـــك بحـــر والقــلـــم جربه ماي
وجـــربــه مــاي صعبه اعله البحر تطفـح
يـفــز مـرعـــوب طفــل الفـــارك امه بليل
واضن تــدري بطفـلـنه اشلــون لو فرفـح
وانـه اشلــون افــز وكبــــرك الكــــــاروك
وكل ليــله خمـــيس بكبــرك اتمــرجــح
يمن وكــت الضــنك تتــلاحـــك المضنوك
وعيــنك لليـودعــك تحــرس وتشـــبـــح
بطل عـــرج السواحل من صحت يحسين
لان اسمــك حــرزنـه وبـيــه نتــسلــــح
اليــزرع عمــل خـيــر وما مـوالي حسين
خســـران الـــزرع لـو كــل وكــت يفلــح
لان يــوم الحشــر يــم حيــدر التلـقيــح
وبــس الـــزار ابــو السجـــاد يتـلقـــــح
العــرج لـله وتــزود بالصـــلاة والصــــوم
نـقــص بالــزاد اكلـــه ولاتـضـــن تـربـح
ويكله الباري زادك فاهــي رد لحـــسين
وطـــوف حســـين حتـى الــزاد يـتـملح
انه بحبــك قــريت ادروس يابــــو دروس
وتـانيـت امتحــانـي وبلكــي بيه انجــح
ومن شفت الشهايد بيد ابو الحسنيــن
كتب كلهم غلــــط بس اليــزورك صـــح
انه امن ابجيك اناشغ واختلي ويالـــروح
لان ادري الـدمـــوع بحضـرتــك وكـــــح
واشفت القســاوه اتــرافـكـــت ويــــاي
واذا بخلــت عيــونــي والـدمــع كبــــح
اقــــره بكل خمـــــيس بحضرتك مولاي
من قـبـــر المجـــاب العـتـبــت المذبح
رد مع اقتباس