مااعرف ليش جاي اكتب يمكن لان اريد ارتاح من الكلام الي بكلبي لان سبق وتعرضت لهيج موقف وكلت ماراح اسمح لنفسي امر بهيج صدمة من جدة وجديد بس للاسف ان وعد الله حق شاء بأخذ مني صديقتي بل هي اختي واعز يمكن لان مالكيت واحد احجي وياه حبيت اكتب هالشيء احب اكلها راح اشتاقلج كومايات هالكلمة دوم تكوليلياهة (مشتاقتلج كومايات) ليش غفتيني ورحتي خليتني وحدي بعدنة ماالتقينة مو كلتي بالكلية نتشاوف لان صعبة نتشاوف بغير مكان انتي من بغداد وانيمن الناصرية ليش خنتي وعدج الية ادري بيج ماشتفي يوم حلو بحياتج ياريت جان اكو فرصة حتى تعوضين الي راح من عمرج بس الله اخذ امانتةادري بروحي مخبلة احجي وية شخص مات بس ادري بيج راح تسمعيني اذا مو هسة بعدين ولج ارجعيمكابلة حسابج وكاعدة حبشكولة وين رحتي يعني ماكو لولو بعد املن اكول لولو ها ولج تعاي ودعيني لو ادري جان ماغبت عنج يومين مافاتحة نت وماحجيت وياج عبالي من ارجع تتلكيني وتكليلي مشتاقتلج كومايات مثل ماجنتي تسوين قبل ها وليش جهازج مغلقكم مرة كتلج لتغلقينة هيج ابقة قلقانة عليج ها ليش تحبين تضوجيني يلة كافي شقة ارجعي بساع ادري بيج ظايجة وترديني تغيبين شوية ميخالف روحي بس ارجعيلي ها ولتزعلين مني اخاف فد يوم زعلتج اني اسفةوحقج علية وهاي بوسة مني بس تعالي لان الدنيا بلاج مثل الشارع الزحمة ومابيه مرور يدليه عالطريق ولجيلة ارجعي لخاطر ربج أن شاء الله نلتقي بالجنة اذا الله راد تانيني راح اجيج يجي يوم والله ياخذ امانتة ونلتقي وياريت هالخبر يطلع قشمرة منج ادري بسوالفج اني مخبلة مثل متسوين بية كل مرة بس اكلج راح ابقة احبج وابقة انتظر اشوفج اذا مو بالدنيا بالاخرة بالجنة ماتوقعت نفسي اكول هالكلمة (الله يرحمج ) غصب عني سامحيني رويحتي الغالية جنتي تكوليلي( قلبوؤشتي ودلبوؤشتي وعمروؤشتي وكبدات ورويحتي) ولج بعد منو يحاجيني هيج ها منو يحبني مثلج وين الكة منج ها اتمنى تسمعيني هسة البارحة مانمت قريتلج قرأن ودعيتلج يجعل مثواج الجنة راح اصليلج واقرالج قران واسويلج ثواب لتخافين اني راح ابقة اذكرج مانساج #فقدتج_ولاء
رد مع اقتباس
