مو اكيد تحبني ادري وما حجيت
واني ادري بعشرتك يوجد خلل
جــوة غيري الگـاع تگلبها ورود
وانا من مريت أحس گاعك وحـل
شفــتك تنگط ضحك وبكل مكـان
ليش بس ويايه من تحجي بزعل
واني بـــس وياك اضحك بالكلام
يعني وي غيرك شخص جدا ممل
ليـش تجرحني بكلامك ماكو عيب
وانا عيبي اوياك جي قابل آضل
تطعن بضهري سجاجيك حرام
لا تضن بفعلتك تصبح بطــــل
انـي بعتك توبة ما راح اشتريك
صعبة ارجع من بعد هذا الحصل
صعبة امد ايدي لشخص چواها نار
ما تطيب اجروح من تترك أثر
أمس شربتك عسل من ماكو ماي
ما لكيت المــاي بس بيـر انحفـر
ومـن جنت محتاجني ما قصـريت
خيري الك يجري مثل مجرى النهر
وكـــلت وجهي الك وكت الحصار
واني ما ضايك جنت غير الفگر
اني تعبي اوياك كد تعب العـراق
فوك ما مجروح هم شابـع قهــر
وعد الأمير
رد مع اقتباس
المشاركة الأصلية كتبت بواسطة بنت النجف
