درر العراق

فقار الكرخي · 14/October/2014

احنه بلا حلاتج جنه سكرانين
لاتمشين !!
اخاف انطيح كلنه وبينه تتعثرين
جل الخالقج كثر البرود البيج
وبنفس الوكت ببرودتج تجوين
متكاسر جمالج بيه شمس وفياي
خالقلج اللهي من الثلج رجلين
ولتلومين!!
لو شفتيني دايخ بيج لتلومين
كون انتي بمكاني وروحج تشوفين
شتشوفين!!
اتحداج اذا تصبرين
حته انتي اعله روحج يمكن ادوخين
ولاتبجين !!!!!
دمعاتج زبد والناس وكحة عين
اخاف بدمعتج لوطاحت تزلكين
رايد بس اضوكج بيج طعم تراب ؟؟
معقوله انتي طين وانه هم من طين
...............................
للصديق الرائع حسين الطليباوي