هنا

[المحاميه شهد المعموري]

سحر قلبي هيامك سكن قلبي غرامك
علي علي ياعلي





يل بيك ساعات الصبر حتى العمر يهواهه
مجنونه انه فيض العشك وحروفي بيك اضواهه
خليتك بعيني شمس عاش القلب بضواهه
دكيت بقلبي علم للغيره وانت لواهه
اهيم انه بحنيني لودك لو تجيني
علي علي ياعلي

بيوم الغدير اشعل شمع وانثر عشك ايامي
بيك انه عايشه ياعلي شمعه تظل بحلامي
اشما احس بلقلب قلبي حبتك ضامي
اشتاك الك وانته صوره تزهي بعشك كدامي
رسمت انه بخيالي عشك عمري ودلالي
علي علي ياعلي


ياقلبي احساس و عشك لاح وتلاله بعني
يتمايل بليل السهر هايم الك تدريني
يم بابك اكضي هلعمر خادم يم بابك خليني
بجفك اسنين العمر اليا القلب وديني
يدين الله وكماله زهه وينثر جماله
علي علي ياعلي


يتمايل بجنح الهوى دمع العشك وشوفه
محتاج الك شمة هوى مد الهوى وجفوفه
يانجمه بعيون اليحب قصه عشك معروفه
بسمك طول العمر يشفي القلب وعيونه
ختم عمري النهايه ومشه بدربك بدايه
علي علي ياعلي

بقلمي الشاعره شهد المعموري
كــــــــــــــل عام وانتم بالف الف خير

[محمد الدون]

يخبل ... يسلمو...

.. تقيم

[تشيللو]

جميل احسنتي..

[Civil Engineera]

[المحاميه شهد المعموري]

يخبل ... يسلمو...

.. تقيم

اسعدني مرورك اليخبل ورده
شكرا للتقيم

[المحاميه شهد المعموري]

انتي الابداع كلووو حبي

[المحاميه شهد المعموري]

جميل احسنتي..

مرورك الاجمل

[آهات علويه]

عشتي وعاش قلمك شكرا لك تقيمي

[المحاميه شهد المعموري]

عشتي وعاش قلمك شكرا لك تقيمي

عاش غاليك عزيزتي ممنونه على تقيم

[M N S Y]

الابداع عنوانه شهد
يسلم قلمك الراقي
جعلك الله من أهل الشفاعة
والرضا ومن الفائزين