مصيبتي بدمي انه اكتبه بديه ...... يل تقره عرج بضلع الزجيه
محسن اقره شهل خبر ... شصاب بابي ونكسر
****************
اهتزت الدنيه يشيعه من مصابي .... وغيمت سمايه الحزن دمعه عذابي
كتابي عنوانه الألم اقره كتابي ...... حروفه محفوره تره بعتبت بابي
جم جرح جم غصه تاذيني كتبته ..... وانه من دم الضلع صوره رسمته
ليل وحزن وسهر ..... شصاب بابي ونكسر
****************
من فضول القصه بابي من اجوه .....بحقدهم وج حطبهم وحركوه
رفسو الباب على صدري وكسروه ..... ذبحو البضعه يشيعه ونكروه
مو رضه الله برضايه وعرفوه ....... لو غضبت انه جهنم يوردوهه
يكتب احزاني الدهر ...... شصاب بابي ونكسر
*****************
جراه ياجراه عليه وسكط ابني ...... من ايديهم سيف يشيعه دبحني
جنه الله والفرض والباب مني ..... شلون يدخل ويشتم ريح الظلمني
هناك كدري للخلك يرسم علامه .... هناك ضلعي نوح بهموم الضلامه
اقره دلالي شصبر ... شصاب بابي ونكسر
***************
ثوب حزني لبست كفني للمنيه ..... والدمع هام يطوف على البريه
منعو الونه صرت ابجي خفيه .... بين حزني وبين كسرات المنيه
ابيت احزاني انه شجره محنه ..... بين دمعه وبين لوعه وبين ونه
مسجل بلوح القدر .... شصاب بابي ونكسر
*****************
كربت ايام سفر وانظر لحالي ..... ذكرت ابويه وظل البيه دلالي
باجر ايتام الصبح اترك عيالي ...... شلون اودعك ياعلي وساكن خيالي
بليل ادفني ياعلي ولحدني بيدك ....... اصبر على الهم اليجري بوريدك
اذكر بنجم السحر .... شصاب بابي ونكسر
**********************
تمت بحمد الله
بقلمي الشاعره شهد المعموري
رد مع اقتباس
المشاركة الأصلية كتبت بواسطة المرقب
