الله جابج يم بشر محتاج خل
قصة طفل لقيط عاش بين ازقة الشوارع وكتب المدرسه....ليكافح من اجل العيش والمستقبل.
وبعدمعناة وفترة اكثرمن عشرين سنه شاء القدر
ان يدخل الجامعه ويعشق فتاة من الطبقه الغنيه
سنيني ظلمه وعايش ابعمرين ظل
والله جابج يم بشر محتاج خل
بشر ربج خالقه ابحجرت حرام
بس ينكط عفه من اسوالفه
قسمه والله الرادهه شبيدي انه اصير
احلم بشيله ودفو امن انه زغير
تعبت عيوني ابكثر مادورت بين الوجوه الماشيه
ودورت عن امي بين هواي ناس
وتيهتني وتيهتهه ابذيج ليلتهه خطيه هواي جانت خايفه
وانه خايف
خايف امن اتعب عليج وانحرج وياج خايف
انه جلمه ابلاشفايف
انه ابوي اسمه الصرايف
وخايف امن اهلج ابوج
خاف يسألني اعله ابوي وانه من يوم الصرت ماشايفه
وخاف يسألني اعله بيتي
وبيتي راسي وشيبي بس اموالفه
والله غلطه احساسي جودرته عليج
كون ابن ناس اليحبج موش ابن عاش اعله اديج
وهيه غلطه ودست كوه بكاعج
شجرتي امشيب وركهه ابليل راسج ادري ماحصل مجان
عمري جان ابكد دلالج بس خلقني الله وحرمني امن الحنان
ابذاكرت ذهني رسمتج
بس خفت تلكين راسي شكثر نايم عالرصيف
ابلاحضن عشت الليالي
وجنت اكضي الليل اراجع كتبي حتى انسى الرغيف
وجنت اسافر وي خلكي الشي يسمونه الحبي
انسان بس اجيوب بالي امترسه احجاب وعبي
كلت اعوض غلطت امي
وجنت احلم بالستر يخطرني طيف
والله عشت اسنين وسخه
بس بقيت اوي الخلك كلش نضيف
اني سويت الحياتي ابين هاي الناس اسم
واني هذا ابطولي عايش ماعشت مره بحلم
استرسلت بس لزمت ايدي
وشفت كل الدنيا صنطه
انت ابن من انت ابن من حجت كلمه.
وهيست نص ريتي فحطه
وجاوبتهه بصوت ناصي صوت ناصي
انصه من ونت غريب
انه جنت انسان يحلم
واسف اعتبريهه غلطه اسف اعتبريهه غلطه
منقول
رد مع اقتباس
