هنا

[فقار الكرخي]

أشعار قصيرة لعيد الغدير 2014 , أبوذيات ,زهيريات ,ومضات , أشعار شعبية 2014 لعيد الغدير





كثر نشعة حضرتك علي لذات
بكثر ما بالجنان انهار لذات
فقير وليك كومه أيتام لاذات
لان شافو فقط أيدك سخيه


علي ابشمرة يمينه حركماهن
وهو اطيور التخاطف حركماهن
ابميادين الحرايب حركماهن
عله الجيمان والهه اطوه الرگاب




علي اهوه الحر ولاكن حربك الهن
مواقف عنده نفسن حربك الهن
طاها الصاح حيدر حربك الهن
انفوس الزلم چن ملك العذاب











حبك يحيدرعلي بكلبي انطبع لافته
وفعالك المنصفه الكل النظر لافته
منحيث انته علي وغيرك علي لافته
يامن الب والگلب تسودن بعشگه اوله
حيدر علي يا لوصي الد ين انته.. اوله
بفتوه علخم النبي هذا الحجي اوله
ومن الله نطق النبي بعلم العلي لافته



لافتى الا علي غصـبا عليـك
وياهـو من زلمـك قرين بحيدره . . .؟
علي الباري أمـره على المؤمنين
وغيره باحكـام السقيفه مأمـره
حطه رابع هاي مو وحـدة قياس
بين كـوم الفحـم يضـوي الجوهرة




بيوم الغدير النبي اعلن خليفه علي
وكال هذه امر صدره الباري علي
ع الخلگ يبقى ولي من بعدي حيدر علي
ويوم الغدير انكتب لشيعه عيديه



بزود اهل البيت آحنه ---- علينه
عرفنه حقهم وما ألهم ---- علينه
داحي الباب مو عليهم ---- علينه
قسيم النار والجنه الزهيه





علي غيرك ابد مامش ---- سند لي
امام رب العرش بولايتك---- سند لي
دلونه بحوض الكوثر ---- سند لي
بحب حيدره والشفاعه الآحمديه



ما كَولن شجاعه بوصف داحي الباب
بكــل الكـــتب هــاي الجلمه مكـــتوبه
وما منســـوب حيدر للشــجاعه بيــوم
هــيــه اتوســلت وصـبحــت منســـوبه
حســـبالك عــلي يضـــرب ضــربتيــن
مـيـثـنـي بضــربته ويضــرب إنــوبــه
ومــو بـس بـاب خــيبر يقـلع الكــرار
ويــاهــه عـلي يقـــلع الجــرجــوبه
يســــمونه الغضـــنفر قاتــل الكــفار
خــوط يخــوط بيــها بشـــدة حروبه
ومو بس شارده من غيض ابو حسين
الكل صـاحت دخـيلك يـاعلي إتـوبه




تـــبـــايع امــتـــك يــاعـلـي الكــرار
وقــســمت قســم متخالف ولاتخـون
بالــدم الك كــتــبـت مــو بـالأحبــــار
بضــمــايرنه ولينه وضي العـــــيون
مثل عهد الشــــــــــرايع ويه الأنهار
ومثل نور الشــمس من عاهد الكون
فريضه بكل صـــباح تشــــــع الأنوار
وعلى المسلم فريضه وي علي يكون
مـجـنـون المـــوالي بحـب علي صـار
وصـــدكَـ آنـه بمحـبتك صرت مجنون



ربنا اول ماخلق دنيا الحروف
النقطه اول ماخلق ثم يلي
و(علي)النقطه التي في البسمله
يعني اول ماخلق ربك(علي)




يا رسول الله منهو الرشحاك
للنبوة ومنهو سـواك الامير
هم سقيفة وحادثة بيوم الخميس
لو جان بس الله الك هو النصير



شلون تخطئ ؟ وانت سيد المرسلين !!!
أني متأكد واكو عندي اثبات
في كتاب الله رب العالمين
(لكم في رسول الله اسوةً حسنه)
بهاي الايه خاطب الله المؤمنين
لو رسول الله خطأ (فرض المحال)
يصير نتأسى اذاً بالمخطئين











أشعار قصيرة لعيد الغدير 2014 , أبوذيات ,زهيريات ,ومضات , أشعار شعبية 2014 لعيد الغدير

[فقار الكرخي]

علي صاحب طول جر الشمس بيد .....ولأن كصر اثيابة كالولة كصير
علي ما شايل حمل لمن ينام ...... لأن جان بكل وكت شايل ضمير
علي فلش كل مقاييس الثراء ..... علي أمير وعايش بخبزة وحصير
وزن واحد جانت الناس بزمان .....علي بوكتة ماكو ابو كرش الجبير

[سمراء من قوم عيسى]

عاشت ايدك

[‫حيدر البصراوي‬‎]

واللله روعه

[زهرة الرمان]

حلووووووووووو

[فقار الكرخي]

نورتو الموضوع
مشكورين

[آهات علويه]

الف شكر لك

[فقار الكرخي]

نورتيني وردة

[3laa]

جزاك الله خيرا اخي

[فقار الكرخي]

نورت الموضوع يالغالي