مرحبا درر ..
بعد ما شفت هذا القسم نشيط بتجارب الاعضاء الطريفه والعصيبة .. شجعني هــ الشي
اطرح موقف حصل معي .. مع اطفال في منطقتنــــــا
ايام شهر محرم الحرام .. كل الناس متعودة تطبخ وتوزع ثواب
واكو بيهم يوزعون لحم ممطبوخ ..
يوم من ايام هذا الشهر دكَوا الباب ومحد موجود بالبيت بس اني
فــ اضطريت اروح افتح الباب ومن وره الباب حجيت وكلت منو
طلعوا اطفال من منطقتنــــا جايبين لحم ممطبوخ يوزعوه على الناس
لافيه ب ورقه .. فــ استلمت اللحم من وره الباب وكولتلهم شكرا
وماسمعت غير الضحك .. ضليت صافنه وي نفسي ليش يضحكون
شنو صاير ؟!!!
ففتحت الورقه الي بيها اللحم .. ولكيت بيها طين ..
يعني الافنديــــه ضحكوا علية ونطوني بالورقه طين مكان اللحم
اني من يمي عصبت وضجت كلش وكلت مادام بعدهم موجودين يم الباب
خلي استغل فرصتي واخذ ثاري .. وقررت اشمر الطين عليهم
فتحت الباب وبنفس اللحظه عمي كان موجود يم الباب عود جاي يزورنــــا
ومااحس الا الطين على ملابس عمي (( عود ردت اكحلها عميتهــــا ))
كنت على نياتي عبالي كل الاطفال ملائكه .. مدريت بيهم شياطين
بس صارتلي عبرة من هالموقف ان بعد مااثق بالاطفال ثقة عمياء
يوم ثاني اجو يردون قدر يخلون بيه هريسه كولتلهم مانريد .. مانحب الهريسه
وعرفت بعدين انو اني لو منطيتهم قدر كان ترسوه لي رمل ونطوني اياه هههه
بس زين مني بالمرة الثانيه عرفت اتصرف ..
العبــــرة
تعلمت درس شكده وشكبره هع
بعدما مااتعامل وي الاطفال بــ طيب نية لان مو كلهم ملائكة
اكو بيهم يكولون للشيطان روح واني بمكانك ههههه
رد مع اقتباس
