مشتهيكم وين اجيكم
مشتهيكم وين اجيكم
وين يادرب اليدلني
ووين اروح بغربتي
لمكابلتني وكاعدة
مشتهيكم وين اجيكم
وانة ﻻبس هوا الغربة
الماصخ ومابي طعم
ﻻ رايحة وﻻ فايدة
اهنا يهلنا الغربة ذلة
كلشي بالغربة غريب
الجوع بالغربة غريب
عيونهم تاكلنة من نجوع
ونعاين اللكمة الزايدة
استغربت حت من حجيهم
مو رقيق وﻻ خشن
جن مدري شنهي
وما أحب جلمة بحجيهم
ناقصة وﻻ زايدة
ياهلي وياديرتي
ويابيت اهلنة
وياحنين اصباي
ياشيبي الكبل مارايدة
مشتهي احبي وازحف اعلة ترابكم
ياهلي وياديرتي
اشجم الف كعبة ابابكم
ارد اموت ابابكم
ارد ازل وذنوب اسوي
مشتهي اتعذب بديكم
قابل اشميكون بية احسابكم
مشتهيكم وادري بيكم مشتهيني
وادري طبع المشتهة
وحجي العشك ماﻻتنة
وين اروح بغربتي
ولمن اجيكم هم تجي
وهم تكعد ابيناتنة
هوا الغربة اشكد كتلني
مشتهيك ورب محمد
ياهوا اوﻻياتنة
والله عذبني ضواهم
انة اريدن ليلكم
ليجيب شمس الله
ويدك عتباتنة
انة كلش مشتهيكم
ومشتهي اذني تضوك
كلش ملحة احجاياتنة
م
رد مع اقتباس
