هنا

[الاء المدريدية]

وحتى بالجذب ماكتلــي راحل ,,
مو حتى السفيـــنة كبل متــروح ,,
تصيح لناسها وتحــضن الساحل ,,
وحتى الشمس من تروح عالكيــف ,,
...
.........
ماترحل غفل ترحـل مراحل ,,
ومحطات الخلك تصعــد قطارات ,,
شجاك أول محطة وصحـت نازل
________________________
مشتاكلك يلماتجي شوك المكابر للنفس


يلجيتك نسمة هوة برية سجن


مشتاكلك شوك الفكد شوفه وبقه يدور ضوه


يدور على عيونة العمن

رجع ضواي بجيتك صحوة صور بجفوني لا ما غمضن

حبك عشت بيه ومتت ومن رحلت مادورت بيه سكنت

حبك وطن شايف يعوف أهله الوطن

ناذر أحنيك بدمع لو بس أشم ريحة تجي

أو لاتجي

وديلي طيفك أمتنع عمر وربع من البجي

ها أرتجي

راح أرتجي جيتك صحوا بغيمه شته

راح أرتجي جيتك نهر شوفي ضمه

بديت كل ذكرى وكلت بالكت تجي بكلت وبالذكرى صدك

بلكت صدك والكاك بالذكره عشك

والكاك بالواهس خلك

وينك تجي لو ما تجي

ظليت مثل المحترك

بسمار صرت بغيبتك وبلوحة فراكك تدك

كافي البعد ما هزتك كلمة محب محتاجك تمر لو دمع

ما دخل بأحساسك وفه الشوك بعيونك طفه

كافي امتنع

بعدك علي صاير طبع

بجف غيبتك كل لحظه لتمرني أنصفع


منقـولة ومع الاسف ما اعرف اسم شاعرها

___________

الليلة صوتك

مو مثل صوتك هذاك

بي برائة وعاطفة.. ونبرة طفل

الليلة روحك

جاية ادور امان

وخايف اعلة اسرار.. كلبك تنسأل

***

هاي بيبان الكلب

مفتوحة ليك

ومن سمعنة اسمك.. تكسر كل قفل

ليش متردد زرع حبك

يريد

من زمان ابكاعنة.. بحب ينشتل

***

ومن زمان اعيونة

ادور ضواك

رمد شوف الناس.. بس شوفك كحل

شوف وجهك

شمس واتضوي الدروب

والتمر من يمة طبعا.. ينذهل

***

منشغل بيك اعترف

چنك ملاك

ومنهو غيرك يستحق.. بيه انشغل

ومن اعوفك انكتل

واخسر هواك

ومن اضل وياك.. هم راح انكتل

انكتل بيك

بسبب حسنك عجيب

والعجيبة بكلبي.. ما غيرك يحل

***

ما املك

يا حلم ما ادري ليش

اشما تمر بالعين.. منك ما تمل

اشما كبرت بعين

تزغر

والسنين




يصيرن باول عمر.. لمن تهل

***

يبو عكد الثالث

ازغير وچبير

وانت بين اثنينهن... نفس الشكل

اسنينك العقلك

اذا كالو چبير

وروحك ازغيرة.. يبو اچبير العقل

***

بعد روحك

تركض بنص الجهال

وتلعب وياهم.. لعب.. جر.. الحبل

يا بو وجنات الورد

ما مر صباك

لون ذابل.. چان عافاك النحل

بعد عطرك ما خلص

توة الربيع

يناغم بعمرك.. يريدك تكتمل

***

انزع اسنينك

اذا كبرن عليك

بعدك ازغير وكبر.. ما تحتمل

عالكمر منكول

عمرة اشكد چبير

انكلة ابن اربع طعش. كل ,ما يهل

والشمس اكبر بعد




واكثر اكيد

ومن عمرها الشمس,, شو ما تنفعل

وانت احلا امن الكمر

وازغر اكيد

والشمس لو عدها عمرك... تحتفل

جبار رشيد

_______________

شحجيلك بعد ما عندي كلمات

محروك ألكلب من كثر الاهات

مجروح ألكلب بس صورتك بيه

بنص ألكلب يحضن هيچ وجنات

دمعاتي بغيابك مثل يعقوب

على يوسف بچه وزادت النكبات

أسيرك هل ألكلب لا أتعذبه وياك

جن طير أنذبح ويريد نبضات

أريد أنسى ألمحبه وأنسى السنين

مثل ما راح ننسى الثلث نجمات

ما ريدك وريدك واني محتار

مثل يوسف الطاح بهيچ ظلمات

نار البل ألكلب تسعر ولك حيل

مثل أضباع فكدت هيچ لذات

عكب ذيچ ألمعزه وأحله الأيام

اهرب من زماني وكافي ويلات

زماني معذب وحامله چيلات

رمح جساس جنهه أيريد طعنات

أتعبت كافي وبعد ما أريد الهموم

جنهه أهموم خنسه وتبچي حسرات

كيف أنسى المضى وبدمي نبضك

إذا دجله عطش مو انت الفرات

___________________

همداه كلب اليحبك كلبي حبك همداني

عاف كل خلق الله هايه وراح حب واحد اناني

شلون صدكتك يخاين كلي من حبك شجاني

بس عذاب وياك شفته سنين من فركاك اعاني

چنت لو يبچن عيونك دمعي ينزل كبلك اني

من رخصتك يا حبيبي بس ردت منك ثواني

هاك اذبح كلبي بايدك بلكي ينسه الي نساني

بلكي ينسه الي يخونه وراح شاف انسان ثاني

ابچي من فركتك دم والله هجرانك عماني

اني صدكت بكلامك صدكت كلبك هواني

شكد غشيم وكلبي حبك همداه وهمداني



تحياتي
الاء المدريدية

[راما]

شكرا لكي رائع

[الاء المدريدية]

شكرا لكي رائع

انتي الاروع حبي