طَفْلٌ قَلْبِي
طفل كلبي وعلمتة دار ودور
.......
حفضتة الدرس واردود امتحنتة
.......
لكلشي بحياتك شرح خليت
.......
ووكبر كلبي من الدرس خرجتة
.......
وعلى ان لا يحب وصيتة شكثر وصيت
.......
اذا كتلة اعشك معناها موتة
.......
لذلك باعديت الشمع من النار
.......
ماصرت خيط من الضهر دججتة
.......
صايم عشك عفتة صار سنين
.......
وعبادة الصوم ولها السبب شجعتة
.......
باب الريح سديتة وغنيت فيروز
.......
حاول ينفتح وبلوعات الصبر زنجلتة
.......
يمرنة الليل ومضة ونشبع من النوم
.......
وبوردة علاقتنة الكلب صبحتة
.......
تعبني شكثر كلبي برباتة سنين
.......
وكلفني العمر لمن هيج وصلتة
.......
وباول طلعتة ترك تعلومي وتناساه
.......
وباوعت لن ريح الهوة ماخذتة
.......
اوميت اشكثر صحت الطريق بعيد
.......
وين تريد هذا ذياب ساكنتة
.......
امنت بيمن يكلبي وخنتني بساع
.......
وياهو يسوة دكلي وبيك امنتة
.......
ادري من الاول كلشي غير يصير
.......
ليل الحلم بالوردة كابوس حولتة
.......
وبيمن فطورك ؟؟وانت صمت اسنين؟
.......
ما اذن بعد وصيامك تركتة
.......
وبدلت الفرح من يوم ما وليت
.......
من وجهي محيتة وكلش مسحتة
.......
وصار الكاس دنيا وناسة دخان
.......
وضحك سنوني بليل الدمع بدلتة
.......
وشعر الغزل فاركني صار هواي
.......
كمت اكتب حزن والقلم عودتة
.......
مثل بلبل تذكرهة روحي شبيك
.......
هسة غراب صارت و اسودهة لابستة
.......
ومادام الخيانة انزرعت بكاعك شوك
.......
مازرعك ابد كاعي الشوك كارهتة
.......
وراح اعوفك واقسم بالحسين
.......
على دربك جدمي ما فوتة
.......
ومو للسبب هذا انا هجريت
.......
لا لان الحب انتهة ومني شلتة
.......
ومابدل قراري ومن ابدلة شروط
.......
اذا موليلة تجي قيس شمعنى سالفتة
.......
رد مع اقتباس
المشاركة الأصلية كتبت بواسطة يوجني
