هنا

[جميل السراي]

ربينه اوياك يا جسر الصرافيـــــــــــــــه وابد ما شفنه منك غير حنيــــــــــــه

تعبرنه الصـــــــــــــبح للشغل من نروح وترجعنه لاهلنه العصر يوميـــــــه

ياجسر الوفه ياحاضن الصــــــــــــوبين تشهدلك الكسره ويه العطيفيــــــــــه

ياجسر الوفه يلربتك دجلـــــــــــــــــــــه وفي دومك ويانه وصافيه النيـــــــه

احس ابونتك لومر عليك الريــــــــــــــح تشارك بالالم امنه العراقيــــــــــــه

تواسيها وتقاسمها الالم والنـــــــــــــــوح عله امصايب الشعله ويه الغزاليـــه

وضحايه الشورجه اللي بالغدر راحـــــو والضيم اللذي شافته الصدريــــــــه

احسك ياجسر مو من حـــــــــــــديد انت اشوفك ابو حنين عنده ذريــــــــــــه

واحسك ام عطوفه اتخاف عل الصـوبين تسهر تندعي لبغداد ليليــــــــــــــه

شنشكي ياجسر والمشتكــــــــــــــــــ ه لله اللكمه نغصوها وشربه الميـــــــــه

خلونه ابجحيم انعيش صبـــــــــــح وليل ذوله القاعدة وشلة الواويــــــــــــه

بوكعتك ياجسر بجيت اهل بـــــــــــغداد من ايد الغدر نسفتك صبحيـــــــــه

تعود انشا الله ياجسر ايامــــــــــــــــــك وترد الدجله كعداته ولياليـــــــــــه

ويرد انشا الله يشرق وجه بـــــــــــغداد لاارهاب بيها ولا ارهابيـــــــــــــه

منقول

[نـرٍجٍـس آلُِـمـوُسـوُي]

شكرا عيوني

[جميل السراي]

شكرا عيوني

ربي يسلم عيونك
شرفني حضورك وتواجدك
وربي لايحرمني من هذا الحضور الجميل

تقبلي تحياتي واحترامي
تقيمي