شوفو شصار بية
السﻻم عليكم دررنة
كل عام وانتو بالف خير ولو اني عايدتكم بس انتو تستاهلون الواحد يعايدكم مرتين..
تذكرون سالفة البزونة هاي المرة سالفتي وية كلب ( اجلكم الله).
قبل اربع سنين اول مدخلت معهد المعلمات جنت بالمرحلة اﻻولى ... وجنت اني وصديقاتي نفتر بلساحة والساحة جان بيهة كﻻب ﻻن حايط المعهد مفلش وتدخل الكﻻب بس اني وصديقاتي نسينة فجاي نفتر جان يطلعنة الكلب وتدرون بينة احنة ابد منخاف.. المهم صديقاتي شردو واني جنت عود شجاعة فما شردت ﻻن اتذكرت وحدة مة كرايبنة كالت اذا تشوفون كلب لتشردون بس كولو اقسم عليك بحق جدك قطمير ان ﻻتنبح علي ( قطمير هو اسم كلب مع اهل الكهف ).
المهم اني باوعت عليه وكلت اقسم ....... وبعد عطت وشردت ﻻن خفت وكمت اركص بلساحة وهو يركض وراي وطبعا ركضت ركض مال عداءيناعيط باعلة صوتي وعلما وصلت للباب اجيت اموت...... ومنهة بعد ما طلعت للساحة لمدة خمس سنين واتخرجت وماطلعت......
ها شنو رايكم اني شجاعة لوﻻ؟؟؟؟
رد مع اقتباس
المشاركة الأصلية كتبت بواسطة بنت النجف
