هنا

[علي الازيرجاوي]

كون يمك


يا بخت جنحة اليذبه الريح يمك!

كون أشوفك ..

كون ويّ فجر السوالف تغبش عيوني عليك

اتشيل خطوة شوفها وتنكلها يمك

وديّ اشوفك ..

ودي أطيرن محترك واطفة عتب حار اعله دمك..

بلجن اباجي الطفو غيرة دفو وتذوب رسوم الشتة الصك اعله دمك !

ودي اغافل ليلهم و أبحر واذب كَلبي بشريعة

ودي ابوكن جسمي وابعد

وديّ افك باب السنين السودة واشرد
وديّ لاجن شدو برجلي جرس يشهد علية

وبس اشيلن خطوتي الحراس تكعد!
بس اشيلن خطوتي ايردهة الكزاز ..اعيونهم صارت كزاز

ابكل جفن يندله حلمك!

ظفروا رموشي حبل وتنطروا جية ظلام ..وصلبوا اعله عيوني حلمك!
وانت يا المجروح خاف احجي والجمك ..

لو تطاوعني الجروح تصير غيمة

وحتى اراويك شكثر ينزل مطر بالكاع دمك

فاهية الدنيا

طفت لذة طعمها

ولبست انكاب اعلة نجمك ..
كون يمـــــــــــــــــــــــ ـك !

[قلب من ورق]

ما ارووع كلاماتك وختيارك الميزز التكون قصيده بهذا لابداع والجمال --- رروعه تقبل مروري

[عاشقة انفاس حبيبي]

الله الله ع كلامك الرائع

[لانا احمد]

كلمات رائعة حقا" ...تسلم علي

[سمراء من قوم عيسى]

['ۦ، Maryam]

روعـةة
سَلِمت يدآك~

[علي الازيرجاوي]

شكرا لمروركم الجميل ..

دمتم رائعين

[نـايـا]

أختيار رائع جدا
تسلم أخي

[فونة]

حلوة القصيدة يسلمو دياتك

[نـرٍجٍـس آلُِـمـوُسـوُي]

عاشت دياتك :)