هنا

[ضـحكة خـجل]

مو بدينه أنودع عيون الحبايب .. مو بدينه
والعشك لحظة فرح ويمر علينه
يلي طعم المستحه ... بعيونكم
يلي شوك إيذوب ... بين أرموشكم
عيونكم كَمره وهوانه أمسهرينه
مو بدينه




مدارس حب بنينا بوسط الكلوب
وعذاب العشك بيهن لكينا
درس الحب صعب وشلون اقراه
اذا اول درس بيك ابتدينا




على باب الصبر كل يوم اتانيك
وتاني الدمعه تصرخ خاطر ابجيهه
لان كَلبي بغيابك مثل ريشه طير
وبس ريح الشماته الي يهز بيهه
كَمت ابجي ونوحن من يمر طاريك
وريد اعيوني يمك لو اتخليهه
بكثر دمعات عيني اليوم الك مشتاكَ
وريد اسنيني يمك كون اكَضيهه




اخذنة اول العالم بالبطالات
وعدنة النفط اكبر احتياطي
ماعندة شهادة ونائب يصير
والخريج عدنة يلم قواطي




كبل رغم الفقر بس احنه كنه املوك
و تصافه الكلب والخوف منه النشال
هسه اتغريت والكلب كام ايشل
حقدنه ع الاخو او متونس البال


شجاني وامنت وتأملت كل خير
وشبسرعة الفرح بين على عيوني
سلمتك مشاعر مال عشر سنين
ولا حسبت لحظة يخيبن ضنوني
مالومك عفتني معاشرك يومين
انه العاشرتهم عمر عافوني


اتابوتك جبير وعمرك زغير ,,
, عمت عين الارهابي يفخر بموتك
كوم العب جهال المنطقة بالباب ,,
, ضحكتك وين شو ما ينسمع صوتك






أعتب والمحب من حقه العتاب..
اعتب ياكلب واشكي لحبيبك
ماعندك بخت ضلموك الاحباب
مثل شامه على خد اسمر نصيبك
ولك ياكلبي بطل واقفل الباب
منو يداويك اذا خانك طبيبك
الجرح ينشد اذا جرحوك الاغراب
بس شلون اذا جرحك من حبيبك




أذا ضنك أعوفك أنته غلطان
وغلطان اليكلك منك أتبرة
متوهم حبيبي مستحيل أنساك
لأن حبيتك آنة وحبنة عالفطرة

[نـرٍجٍـس آلُِـمـوُسـوُي]

شكراً لك عيوني

[ازهر الحميد]

شكراً .. ابيات جميلة

[عماد الحمزاوي]

شكراً جزيلاً

[ولاية علي]

شكراً لك

[ضـحكة خـجل]

شكراً جميعاً لمروركم العطر