هنا

[الشاعر علي البدري]

اجاني العيد اعايد منهو بالناس_
شو ياهو الأشوفة ابكلبة جمرة
اعايد باليتيم الشايف الضيم
ابزغر سنة بده وآهاات عمرة
اعايد جم فقير يبات جوعان
ولا زنكين اجاه أنطاه فطرة
لو ام الشهيد الفاكدة أوليد
ومحضرة قميصة البيه عطرة
لو بنته ألتتاني وتحسب ايام
لعابه تريد منة اتكون شكرة
وتتفاجأ ابأبوها جوة التراب
تتعنة اوية امها اتزور كبرة
شنهو العيد يعني وشنهو معناه
ومنهو اللي يجي لية ويفسرة
بس حيدر علي فسر شنو العيد
مسح روس اليتامة ايكضي عمرة
اذا كتلة يتيم يكون زعلان
لأن حيدر علي هوة الينضرة
بس بعده ابد ماصح ولا عيد
تباوع عاليتامة اوجوه صفرة
والزنكين حاير يجمع اشلون
ابزود الفقرة كام ايعلي قصرة
وين العيد _ شنهو العيد ياناس
وينة اللي يجي لية ويفسرة
(مازال للحديث بقية)
بقلمي-المتواضعكتبت بتاريخ4/10/2014

[فقار الكرخي]

اللللللله عليك وعلى ترافة روحك اخوية
وبالفعل هذا حال اغلب الناس في هذا العيد
تقييمي

[الشاعر علي البدري]

اللللللله عليك وعلى ترافة روحك اخوية
وبالفعل هذا حال اغلب الناس في هذا العيد
تقييمي

الله على روعة مرورك حبيبي الغالي واسعدني تواجدك ياغالي