السلام عليكم
درر
قبل حوالي سنتين من تاريخ اليوم خلصت سادس علمي قررت ادرس خارج العراق فرحت للهند فلمن وصلت لازم اسوي اقامة فسويت اقامة الي مدته 6 اشهر
فبدت الدراسة وشلعان القلب والغربة الخ...
.
.
.
.
.
.
.
فخلصت اقامتي ولازم اجدد
طبعا موظفين الاقامة احتار بوصفهم عدهم العراقي مثل مانكول قاتل امهم وابوهم فأتخيلوا انتم بعد
بعد شلعان القلب موظف الاقامة انطاني ورقة لازم اخذه لمركز الشرطة بمنطقة سكني..
هذا الشرطي لازم يسوي كشف على الشقة ويتأكد من موقعه ومنو يسكن وياي واذا كانت قريبة يم الكلية او لا
فيعني كلشي بأيده بمجرد توقيعه عل الورقه تطلع الاقامة
ف قبل لأروح للمركز أصدقائي القدامى حذروني كلولي لاتعاند وشيكلك انطي (يعني فلوس)
كلتهم الله كريم
رحتله واجه للشقه باوع شافه مرتبه كال هذا بيه خوش خبزه
المهم كلي مراح اوقع كتله ليش كلي بكيفي (طبعا مايحجي عربي وستوني قوية الانكليزيه *_*)
زين هذا شلون وياه وهندي بعد وعاند لا مثلا عراقي ويفتهم يعني قفل اله يأخذ فلوس
واني شلوني هم عنودي تاليه انطي رشوة لهندي
طبعا جنت حالف ماانطي
بقيت تقريبا اسبوعين معاند وكل مااروح أتعارك وياه وأوصل للسجن وماادري شلون اخلص روحي طبعا الله وأهل البيت خلصوني
اخير شي كلي لو تروح للسجن لو تدفع فلوس(رشوة) لان اقامتي منتهيه يعني بعد مابيه مجال
طبعا بعد مابيه وكنت اريد ارجع للعراق ومااكدر ارجع اله اجدد الاقامة
ف أستسلمت ودفعتله 4000 روبية تعادل 85 الف عراقي تقريبا
وره مال استلم الفلوس صار حباب (بنعم الدخن)
وقع وأستلمت الاقامة
هسه ولله الحمد لا غربة ولا شي رجعت وجاي ادرس بمحافظتي ومرتاح
ونرجعلكم بغير قصة
أعتذر عل الأطالة
^_^
رد مع اقتباس
المشاركة الأصلية كتبت بواسطة اجمل انسانة
