اخاف شكثر من اعيونك الحلوات
من تكبل عليه ايموتن اعيوني
اذا كلك خضر صدك اقصر حيل
ولو كلك صفر صدك يلوموني
ياجرة كحل فوك الجفون اتبات
وبجفن عينك المورد كال كحلوني
الحياة غلطة وتجارب والدروب طوال
وبيكاسو حسافة الخيب اضنوني
غلط مره ورسم عينك على اللوحات
تاه بلون عينك كال دلوني
ورسم بس مارسم لوحاته خجلانات
وحده گبال وحده اتصيح نزلوني
ياجرة كحل بيد العروس اتبات
وكبل جية الزفة تصيح زفوني
ولو صبحت بعيونك بعد ماخاف
واموت الموت بيدي لو يشجعوني
ولو تقبل اسوي عيونك المحراب
وكل ما ضعت بالمحراب تلگوني
ارموشك يا حبيبي اعتقد بيهن سيف
لامستك والرموش بغيض جرحوني
حور العين اجن يتمايلن علـ روج
رادن لحظه عن عينك ينسوني
حسبت الحور عينك والعيون العين
وعميه بغير عينك صدك اعيوني
رد مع اقتباس
