هنا

[ملاك الاحساس]

شوكت تفرج
حوار
بين العراقي والعراق

(العراقي)
ياعراق اشوكت ونحلم انعيش ابسلام
وبسماك انشوف يمتة ايطير مرتاح الحمام
نحام انعيش ابسلامة وتكضي ماساة اليتامة
وترد بغداد واهلهة اخدودهة اتكطر غرام

(العراق)
انة صابر تدري بية انتة يل عينك تشوف
وشفت بغداد انتة تدري دايرة اعليهة السيوف
بعد ما حاجة اسولف انتة شاهد عاالضروف
والضحايا في بلادك اتجاوزت حتى الالوف
انفجار ابكل مكان~يمتة يرجعلي الامان
وانتتضر يايوم يرجع ابحضني ويعود السلام

(العراقي)
انتةكعبة اشما اصدلك ليش حجاجك قليل
وليش رد ابرهة وجايب ابنك اوياه الدليل
الدرع صاير منجنيقة وهمر لابس جلد فيل
وطير ابابيلك تاخر يلله كوم ادعي الجليل
ياعراق اشلون تقبل~فوك كاعك يمشي محتل
وانتة كاعك بيهة حيدر وكربلة واشرف مقام

(العراق)
ولدي همة اليجرحوني ماكو للمحتل ذنب
اذا شاف الايد وحدة اشلون الامريكي يطب
كلها همهة بس كراسي تتفق هذا صعب
هذا شيعي وهذا سني وكردي مو من العرب
ادعي من رب العباد~ايلم شمل هذا البلاد
اتوحدو ياشعب كلكم تفرقة اكبر حرام

[عَـبّـآسًـ آلَمِرنٌكيّ]

عاشت الايادي الغاليه

[ولاية علي]

عاشت اﻻيادي

[دموع القمر]

​مؤلم جدااا اه يا عراق

[ٱجَمل ٱنٌسًٱنٌة]

تفرج ان شاء الله

شكراا عزيزتي

[تقوى]

احسنت وصح لسانج

[¥محبوب$القلوب¥]

أن شاء الله تفرج على العراق اللهم أكشف هذه الغمه عن هذه الامه بحق الحسين الوجيه و جده و بنيه و أمه و أبيه