قصتي مع العيديات
مساء الخير عليكم حبايبي بما انو اليوم عيد تذكرت سالفتي ويه العيديات
لمن جنت طفلة طبعا جنت فاهمة موضوع العيديات غلط عبالي اذا واحد انطاني
فلوس بعد مايصير أخذ من غير واحد مرة ثانية
بيوم عيد أنطوني اهلي عيدية بعدين رحنا لبيت عمي وعايدناهم المهم عمي كال هاج عمو
هاي عيديتج جان اكوله لا عمو مااريد اهلي أنطوني كالي واني شعليه بأهلك هاي العيدية من عندي
كوتله لا والله عندي مااريد وساعة يتوسل حتى أخذ العيدية هههههههه ويقنعني هاي العيدية من عنده
المهم اخذتها بس اني ما مقتنعة هع
ومن قصصي ويه العيدية جنت اني رئيسه الجهال يعني اخواتي وبنات وولد عمي فجنت بيوم العيد
اجمع عيدياتهم واكولهم خل انسوي عزيمة نشتري حلويات بعيدياتنا ،،،بس اضم عيديتي وأشتري بفلوسهم حلويات هههههه وبعد ماتخلص العزيمة يبقى من هاي الحلويات هواي اني جنت مصدكة روحي رئيسة فآخذ باقي الحلويات كولها اليه بدون محد يدري هههههههه
هسه كبرنا ولمن نذكر هاي السالفة نضحك بس المشكلة لمن اعترفتلهم بشغله الحلويات ضاجوا وكاموا يطالبوني بفلوسهم وحلوياتهم واني مااكدر اسددها هههههههههه
هاي قصتي ويه العيديات اتمنى تستمتعون بقراءتها وتعجبكم يلا عزلنا باااي
رد مع اقتباس
المشاركة الأصلية كتبت بواسطة فونة
