جرح الصحبه يحرك حيل بالروح
تصدر صار وسط الكلب تحفه
خليت اني جرحك ويه الجروح
طابت وانت جرحك ماقبل يشفه
يوميه تمر بيه الصدف وتروح
وصحبتي وياك صدفه واحلى صدفه
اني المن بعد تاركني بس للنوح
وتريد وياي تنسى الصحبه وتروح
قبل لا تغيب اخذ وياك هالروح
لان بعدك تون الليل ما تغفه
التعديل الأخير تم بواسطة Ali Ibrahim ; 5/October/2014 الساعة 4:29 am السبب: تكبير الخط
عاشت اﻻيادي
شكرا لك
يدللؤ حبي عفوا
عاشت الايادي ررررررررررروعة
شيفيد العتب وتريد احاجيك
ماشه نار حبك تلهب وياي
كافي انزف جرح وتريد اداويك
تحركني بغرامك واشتعل نار
وهسه تريد ترجع ما اخليك
ياريتك تجي وتشوف الجروح
تلكاهن خطيه يسولفن بيك
شسولفلك عليهن والله محتار
ياجرح التشوفه ابناره يجويك
احبك حب عراقي يحب الهموم
اصيل وشايل الدمعه ويسليك
حبيتك طفل عايش وياي
ياعشك الطفوله شلون أأذيك
سامرتك ليالي وكلبي مذبوح
مثل نجم السعد بحضاني الوليك
يدك ناي الحزن وي صفنه الليل
حد وجه الصبح موال اغنيك
واسولفك عليه وحالي خلصان
بس عندي المهم لازم اداريك
شوف اثار حبك بين العيون
بين شيب بيهن وانت مابيك
وبين بالكلب حبك نياشين
بعد شكثر بعد وتريد اراويك
بين كلشي بين منك وياي
سلاما على الجروح البيهه اباريك
جنت شمعة بحياتك تطرد الليل
هسه الشمعة ذابت بيش اضويك
اترس حضني الك بدموع العيون
واذا راحن عيوني اشلون ارويك
من ماي الكلب شربتك وياي
وافتحلك نهر من كلبي وسكيك
هسه الكلب مات او مو كلب صار
جثه ابنص جسم حاجيني شنطيك
لميتك دمع بعيون الايام
كلي شراح اكلهن لمن ابجيك
ألملم ذكرياتك حتى ارتاح
وشوف شباقي بيهن حتى ابديك
طبع ذيب الوكت لتأمنه الجروح
زمان الضحكك لازم يبجيك
روؤؤؤؤؤعه
دمعتي الوفيه
اسألكـ ياكمر وبكلب مــــــجروحهم تشوف ولفي وتعرف اخباره؟
احتركـ كلبي أحس بنار الاشواك
وراح الّي يطفي من الــكلب ناره
وراح وماسئل لايدري بالحــــال
وعلى حالي بقت هالناس محتاره
ومثل حال اليتيم العاشر النـــوح
حزين ويبجي وحده وكاعد بداره
ومثل أعمى صـرت غدرته دنياهـ
المايعرف اللـيل وضيع انـــــهاره
هيج اني صرت هجرتني الافراح
وبقت بس الدموع بخدي تتــجاره
وهي الّي وفتلي وبقت وياي
(دمعتي) ومادريت الدنيا غدّاره
وغدرتني السعاده وكل الاحلام
وبس الدمعه وكفت ويه احزاني
جاوب ياكمر لاتسكت ارجوكـ
يذكرني الولف لوسهله ينساني؟
اشرحله الجرالي بــــــهم الفراكـ
مثل طيره ان**ر بفراكه جنحاني
ومثل ميت صرت لاجسد لاروح
وروحي وياه وكلبي لوحدي خلاني
وصفالي الجسد وحده وبس الهموم
وتتشمت لحالي اسمعت عدوانــــي
وخبره اني وفيه بــــــــحبي للدوم
اوموطبعي انه اخونه لواحب ثاني
وكله اهو الحبيب الســـاكن الروح
ومتربع بكلبي اوويه شريانــــــي
.....
بونة انطاك عمرة حضرة المســـــــــــــؤؤلوقبلها انطاك صوتة نصرتأ للديـــــــــــــــــن
وهسة احنا اليتامة وحيل طكنة العـــــــوز
ابكثر ما طكك التبريد جوعـــــــــــــــــــاني ن
ابونة انطاك صوت اتجازي ولدة بصــــــــوت
... ... اخجل يا شمر وانزع قناع حســــــــــــــين
ابن جيراني مـــــــــــــــل وعزل الدكـــــــان
وعلى وجهه كتب لا ديـــــــــــــن لا بعدين
ردت كرصت خبز تنطيني كرصــــــــت ذان
جفك ليش طكنة انريد جــــــــــــف طحين
مثل كلب امي شوف هدومي مشكوكات
وبعد كلشي اخسرت ما خاف رفة عيــــن
تعثـــــــــــــــرك وكفتي ابهذا التقاطع كون
ولا تغلط علي عمي احنة مو وصخـــــــين
المشك من الشمس والسمرة لون الجوع
جنة بزود ابونة وداعـــــــــــــــــــــ تك حلوين
ترة الثوب العلي هذا التشــــــــــوفة اجبير
انة اتذكر علي ضيك قبل ســـــــــــــــنتين
الفرق كلش بسيط انقيســــــــة بلسنتيم
بين المرتضى والعدنة مســـــــــــــــــؤؤلين
علي يطبع اصابع وانتم اطبعــــــــــــــــــون
علي فوك الرؤؤس وانتو علخـــــــــــــــدين
وعلي يصعد مهرتة اتشــــــوفة كل الناس
مهرة امظللة ما عندة ابو الحســـــــــنين
شكرآ طركاعة
رد مع اقتباس
