واكل للناس ارضع وليدي يم كبرة
علي عوف الشمس رد ابني وسط البيت
اجيت انخاك ردة بداعت الزهرة
جادر بالقصيدة اسمك بثالث بيت
انسة الجادر واقراهة واذكرة
اسع صوت جف ايد الشمس عل ماي
من اصفن عل صور والماضي اذكرة
اصرف اعلى الصور جم نضرة حد ماشوف
بس لشوفتك ضميت الك نضرة
يمة الكبر دافي لوبرد جاساك
فراشك ليش وحدة ومحد يحضرة
يمة اتأخريت الموت مو خطار
كلة يروح لاينساك واتأخرة
مامتوقعة تنسة الحضن وتروح
شجالك تنسة حضني تبدلة بحفرة
شجالك مامعزب فكلي كبرك كوم
خطار التردة العذر ميعذرة
غير اتكلي راح تموت يمة شبيك
حتة احسب احسابك رايح بسفرة
امن اسولف بيك مرات الهوة اتلافاه
اكولن مو وكتهة النفس شيجرة
قديمة الشمس تشبه ذكرتك وياي
مثل صورتك ضلت ينة بس ذكرة
على كدك كبر فصلك الدفان
قياسك جم شبر خل طولك يكدرة
وكمت اسأل بعمرك ماكو شاب يموت
جواب الناس الموت مو كدره
ويواسوني اعلى موتك ناس ويكولون
ملك الموت خاف توهم بعمرة
وسلملي اعلى جدك مرلةلاينساك
مدام استوة ميت واحضر بكبرة
جدك هم يحب الشعر لاتنساه
قصيدة موت شاعر يمة عود اقرة
ذكرة بكلشي جدك خل يحس بالشوك
بس ابداعت امك بية لتذكرة
ولاتبجي اليموت ويبجي ميدفنوه
راح اشتاكلك والموتي متحضرة
يمة وصاحبك مامقتنع ينساك
ثالث يوم اجالك لجمتة العشرة
يمة ووالدك مايحب طاري الموت
بس من هسة كام يفكر بكبرة
على كد قلي اخذني اتخبلت مو عيب
الفاكد شاب مثلك محد يصبرة
رد مع اقتباس
