هنا

[فقار الكرخي]

أبوذيات جدا جميلة 2014 , أجمل مطاردة بالأبوذية



انهَ بقصة مــصــايب مشتهر كَص
وسيف الوكت ضدي مشتهر كَص
مليت المصـــــايب مشتهي أركَص
ركَصت وثاري ركَصت موت بيه



دف ربعي علَه ونتـــــي مشتهي ألطم
وأنهَ ميـــــت وتـــــــاني مشتهي ألطم
جذب ما مشتهي أركَص مشتهي ألطم
علَ حلوكَـ الحجت باطل عليه



يروحي اللـــطم جـــيد مشتهد بيج
وعـلهَ دكَت ركَصـــتج مشته دبيج
علهَ كَلوب الحـجولج مشتهي ادبج
لمـــــن يتوسل الشريان بية



تهل تـــريد كَلـــــــي وشتهل بس ؟
حزن والنــوح أيـس وشتهيل بس
حجة الباطل لبــسته وشتهيل بس
أنزعة وللــــــبس يحتاج ألية



آنه أطرب عله الون مشتهي نواع
دخت والدنية وكَفـت مشتهي نواع
عله الظيم اللـــــفاني مشتهي نواع
لطم وي وركَص وي هوسات بيه



عيونك هجـــر رادن مشتهن حب
وأنه عاشكَـ بطبعي ومشتهين حب
عفتني وكَد حنـــيني مشتهين حب
نحيب الفــــــاجدة بوكت المسيه



يروحي كافــــي أحبن مشتهي نحب
وكض دمعــــات عيني مشتهي حب
جذب ما مشتهي افرح مشتهي نحب
لحد ما كلــــــــــشي راح أيريد أليه


انه كَلبي بغيــــــابـك مشتهي رداح
شبه طير التســــــمه وشتهي رداح
عله روس التضدني مشتهي رداح
ردح زافـــوف بي رس كـــاوليه.



مـا صـــدكَـ حبيـــــبي مشتهي بجاي
وأنه المامشتهي ابجي مشتهي بجاي
أريد أشــــــــوية منـه مشتهي بجاي
اشربة وينــــــــعرف مكَــدار بيه



منقووووووووله

[• ﺂسـٰﯡﯟڪﭑ┇ᗩSỌҜΔ ˛]

شكرااااااااا يسلمووو تقييمي

[مِـيهہرَمــآهہ ♬✿]

رآآآقي شكرآ يافقاار ,,, انتقاء جميل

[• ﺂسـٰﯡﯟڪﭑ┇ᗩSỌҜΔ ˛]

شكرااااا اخي

[فقار الكرخي]

نورتو الموضوع

[الطالبة]

روعة

[الشاعر سيد كاظم الشرع]

ياناس
كل شعر الغزل ميفيد يانـــاس( الناس
اذكر وحشة الحوت البلع ياناس (يونس
بس ذكر النبي والوصي يـــانس (يونس
يحضر وحشتك حامي الحميه

[حسن الحزين]

عاشت الايادي

[فقار الكرخي]

نورتو الموضوع

[كبرياء فتاة]

واو روعة