اثاريني
اثاري الليل هم محتار ما يندل الغبشه منين
واثاريني
احترگ كلما اشوفن حلقه بيد اثنين
شسولفلج ...
عايشها ابطرف روحي
يكفيني الندى من اعطش
للمثلي شيفيد الجد
ابسط من حلم فلاح
برفيف اجناح فراشة ...
اغط وارتاح واستبرد
شريدنهم
ناس تريد تفهمني وانا المافاهم شبيه
انا اعذرهم لان ما شافو عيونج
ولا شافوا گمر مكحول ولا طرهم صدگ لونج
انا اعذرهم يرمانة
ولا يعرف شنو الحنة ولا يفهم نذر رمان
بس انت
الج وحدج
ولخصرج
وللمدري شنو بخدج
للغمازة من تنثر عل معيدي سهر ليله
للرازونة من تنطر بلجن توگع الشيلة
للخزامة كل حروفي ناذرها
اذا مو بيج تحجيلي شلي بروحي وخواطرها
رد مع اقتباس
المشاركة الأصلية كتبت بواسطة مجروحه والجارحني غالي
